Atyraýda ekstremistik topqa qatysy bar degen kúdikpen 10 adam ustaldy, dep habarlaidy dalanews.kz.
30 qazanda Ulttyq qaýipsizdik komiteti prokýratýra organdarynyń úilestirýimen Atyraý qalasynda sotqa deiingi tergep-tekserý sheńberinde bir mezgilde 10 adamdy ustaǵan.
Olar ekstremistik top qurý, oǵan basshylyq etý jáne onyń qyzmetine qatysý, sondai-aq, terrorizmdi nasihattaý jáne dini alaýyzdyqty qozdyrýǵa qatysty kúdikke ilinip otyr.
Tergeý nusqasy boiynsha qylmystyq top músheleri Qazaqstannyń batys óńirinde konstitýtsiialyq qurylys negizderin kúshpen ózgertý maqsatyn kózdegen. Figýranttardyń turǵylyqty jerlerinde júrgizilgen tintý barysynda atys qarýy, esirtki, dini ádebietter jáne ózge de zattai dálelder tárkilengen.
Olar qurǵan 3 jasyryn oqý ortalyǵynyń qyzmeti toqtatyldy, ol balalar men jasóspirimderge arnalǵan. Toptyń birqatar múshesi buǵan deiin terroristik, qylmystyq quqyqbuzýshylyqtar jasaǵany úshin sottalǵan.
