Tashkent qalasynda halyqaralyq Dostlik Cup 2026 fýtbol festivaline qatysýǵa barǵan qazaqstandyq jas fýtbolshylar ýlanyp qaldy. Oqiǵaǵa qatysty Qazaqstan Syrtqy ister ministrligi túsinikteme berdi, dep habarlaidy dalanews.kz.
SIM málimetinshe, meditsinalyq kómekke muqtaj barlyq qazaqstandyq bala Ózbekstandaǵy arnaiy meditsinalyq mekemelerge jetkizilgen. Qazir olarǵa qajetti em kórsetilip jatyr.
«Qazaqstandyq diplomattar zardap shekken balalardyń týystarymen jáne meditsinalyq mekemelermen bailanysta. Bul másele ministrliktiń turaqty baqylaýynda», – dep habarlady Syrtqy ister ministrliginiń baspasóz qyzmeti dúisenbi kúni.
Buǵan deiin áleýmettik jelilerde Tashkentte qazaqstandyq jas fýtbolshylardyń ýlanǵany týraly aqparat taraǵan. Threads jelisindegi qoldanýshylardyń biri balalardyń tańǵy astan keiin jaǵdaiy nasharlaǵanyn jazǵan.
Onyń aitýynsha, balalardyń dene qyzýy kóterilip, ishi aýyrǵan.
