AQSh-tyń Florida shtatynda Learjet 60 jeke biznes ushaǵy apatqa ushyrady. Borttaǵy toǵyz adamnyń bári qaza tapty. Ushaq qulaǵan sát videoǵa túsip qalǵan, dep habarlaidy dalanews.kz.
AQSh-tyń kólik ministri Shon Daffi áýe apaty 1 qarashada jergilikti ýaqyt boiynsha saǵat 12:50 shamasynda Palm-Bich okrýginde, Grineikrs qalasyna jaqyn jerde bolǵanyn aitty.
AQSh Federaldyq aviatsiia basqarmasy (FAA) málimetinshe, ushaq Tehas shtatyndaǵy Ostin qalasynan ushyp shyǵyp, Bagam araldaryna bet alǵan. AQSh-tyń kólik ministri Shon Daffi borttaǵy toǵyz adamnyń bári qaza tapqanyn rastady. Ol bul oqiǵany jantúrshigerlik qaiǵyly jaǵdai dep atady.
Aviation International News basylymy málimetinshe, apat aldynda ushqyshtar ushaqty muz basýy, jaýyn-shashyn jáne kún raiy qatty qubylyp turǵany týraly aitqan.
