Kappadokiiada jartas opyrylyp, eki adam qaza tapty, dep habarlaidy dalanews.kz.
Túrkiianyń ortalyq bóligindegi týrister jii baratyn Kappadokiia aimaǵynda, ashyq aspan astyndaǵy Góreme mýzeii mańynda jartas opyrylyp, eki adam qaza tapty, taǵy bes adam jaraqat aldy. Oqiǵaǵa nóser jaýyn men topyraq shaiylýy sebep bolýy múmkin.
Qazir mamandar oqiǵanyń mán-jaiyn anyqtap jatyr. Aldyn ala boljam boiynsha keiingi kúnderi jaýǵan nóser jańbyr topyraqty shaiyp, saldarynan jartastyń bir bóligi opyrylǵan bolýy múmkin.
Aita keteiik, qulaǵan jartas Kappadokiiaǵa tán biik, konýs tárizdi "ertegi murjalary" dep atalatyn tabiǵi túzilis qataryna jatady. Olar janartaý jynystarynyń uzaq ýaqyt boiy jel men sý áserinen mújilýi nátijesinde paida bolǵan. Bul túzilister - óńirdiń basty kórikti oryndarynyń biri.
