2026 jylǵy qazanda ailyq infliatsiia 0,5% boldy. Bul ótken aidaǵy kórsetkishten 0,1 paiyzdyq tarmaqqa tómen, dep habarlaidy dalanews.kz.
Azyq-túlik taýarlarynyń ishinde júzim (10%), basty piiaz (9,8%), qumsheker (9%), tústi qyryqqabat (9%), alma (6,2%), brokkoli (4,6%), almurt (3,5%), jasymyq (2,3%), bidai jarmasy (2,1%) jáne qoi eti (1,4%) arzandady. Sondai-aq qantty pechene men baldyń baǵasy 0,6%, tátti toqashtyń baǵasy 0,3%, kúnbaǵys maiy men shokolad pastasynyń baǵasy 0,1% tómendedi.
Azyq-túlikke jatpaityn taýarlar arasynda qazan aiynda blender (6,7%), modemder men roýterler (4,2%), qysqa tolqyndy pesh (2,4%), jabyspaityn jabyny bar taba (0,5%), balalar sabyny (0,4%), tis pastasy (0,3%) jáne qoqys shelegi (0,1%) arzandady.
2026 jylǵy qazanda jyldyq infliatsiia 9,2% boldy (2026 jylǵy qyrkúiekte 9,3%). Azyq-túlikke jatpaityn taýarlardyń baǵasy 10,4%, aqyly qyzmetter 10,3%, azyq-túlik taýarlary 7,6% ósti.
Jyldyq mánde qiiar (34,4%), banan (12,4%), limon (11,1%), sarymsaq (10,2%), júzim (1,9%), kivi men tátti burysh (0,9%), basty piiaz (0,4%) arzandady.
2025 jylǵy qazanmen salystyrǵanda azyq-túlikke jatpaityn taýarlar arasynda otandyq qurastyrylǵan jeńil avtomobilderdiń baǵasy 17,3%, elektr burǵylar men buraýyshtardyń baǵasy 10,5%, elektr ettartqyshtardyń baǵasy 3,9%, modemder men roýterlerdiń baǵasy 2,1%, balǵalardyń baǵasy 0,1% tómendedi
