Qasym-Jomart Toqaev Temirtaýdaǵy qalpyna keltirilgen tramvai qozǵalysy júiesimen tanysty, dep habarlaidy dalanews.kz.
Memleket basshysy tramvaimen Respýblika dańǵylynan "Injener" aialdamasyna deiin júrip ótip, atqarylǵan istiń sapasyn jáne jańartylǵan kólik infraqurylymy paidalanýǵa tolyǵymen ázir ekenin kórdi.
Qarmet kompaniiasy tramvaidy qala halqynyń igiligine eki jyl buryn bergen bolatyn. Sodan beri qoǵamdyq kólik qatynasy 1 millionnan asa jolaýshyny tasymaldaǵan.
Qalada tramvaiǵa arnalǵan 30 shaqyrym shoiyn jol qalpyna keltirilip, aýystyryldy. Jańadan zamanaýi 8 vagon satyp alyndy. Bul tramvai kestege sáikes turaqty júrýine múmkindik berdi.
Relsti kólikte jolaýshylarǵa yńǵaily bolýy úshin elektron tólem júiesi ornatylǵan, al Qarmet kásipornynyń jumyskerleri men ardagerleri tegin júredi.
