قازاقستاندا حالىق سانى ٶسٸپ كەلەدٸ. ۇلتتىق ستاتيستيكا بيۋروسىنىڭ دەرەگٸنشە, 2026 جىلعى 1 قازاندا ەل تۇرعىندارىنىڭ سانى 20 633 529 ادامعا جەتكەن. بۇل بٸر اي بۇرىنعى كٶرسەتكٸشپەن سالىستىرعاندا 14 733 ادامعا كٶپ, دەپ حابارلايدى dalanews.kz.
رەسمي مەلٸمەت بويىنشا, 1 قىركٷيەكتە قازاقستاندا 20 618 796 ادام تۇرعان. وسىلايشا, بٸر اي ٸشٸندە ەل حالقىنىڭ سانى تاعى ٶسكەن.
قازٸر قازاقستان تۇرعىندارىنىڭ باسىم بٶلٸگٸ قالالاردا تۇرادى. قالا حالقىنىڭ سانى 13 254 158 ادام بولسا, اۋىل تۇرعىندارىنىڭ سانى 7 379 371 ادامدى قۇراعان. ياعني ەل حالقىنىڭ 64,2 پايىزى قالادا, ال 35,8 پايىزى اۋىلدىق جەرلەردە ٶمٸر سٷرەدٸ.
حالىق سانى بويىنشا الماتى قالاسى بٸرٸنشٸ ورىندا تۇر. مۇندا 2 348 103 ادام تۇرادى. ەكٸنشٸ ورىندا 1 639 176 تۇرعىنى بار استانا قالاسى ورنالاسقان. ال ٷشٸنشٸ ورىنعا 1 294 050 ادام تۇراتىن شىمكەنت قالاسى جايعاسقان.
وبلىستار اراسىندا تٷركٸستان ٶڭٸرٸ كٶش باستاپ تۇر. مۇندا 2 149 205 ادام تٸركەلگەن. ودان كەيٸن الماتى وبلىسى 1 596 532 تۇرعىنمەن ەكٸنشٸ ورىندا بولسا, جامبىل وبلىسىندا 1 215 656 ادام تۇرادى.
ال قازاقستانداعى حالىق سانى ەڭ از ٶڭٸر – ۇلىتاۋ وبلىسى. رەسمي ستاتيستيكاعا سەيكەس, مۇندا بارلىعى 219 049 ادام تۇرادى.
