قازاقستاندا بۇعان دەيٸن جٶندەلٸپ, مەردٸگەرلەردٸڭ كەپٸلدٸگٸندە تۇرعان جولدارعا قايتا جٶندەۋ جٷرگٸزۋ ٷشٸن جاڭا تەندەرلەر جارييالانعان جاعدايلار انىقتالدى, دەپ حابارلايدى dalanews.kz.
پرەمەر-مينيستر ولجاس بەكتەنوۆ مەملەكەت باسشىسىنىڭ اۆتوموبيل جولدارى سالاسىن رەفورمالاۋ جٶنٸندەگٸ تاپسىرمالارىنىڭ ورىندالۋ بارىسىنا ارنالعان كەڭەس ٶتكٸزدٸ. جيىندا جول قۇرىلىسىنىڭ ساپاسىن قامتاماسىز ەتۋ جەنە زاماناۋي اۆتوموبيل جولدارى جەلٸسٸن قالىپتاستىرۋ مەسەلەلەرٸ تالقىلاندى.
باس پروكۋروردىڭ بٸرٸنشٸ ورىنباسارى جاندوس ٶمٸرەليەۆ اۆتوموبيل جولدارى سالاسىنداعى تەكسەرۋلەردٸڭ الدىن الا نەتيجەلەرٸن باياندادى. ونىڭ ايتۋىنشا, تەكسەرۋ بارىسىندا بۇرىن جٶندەلگەن جولدارعا, سونىڭ ٸشٸندە مەردٸگەرلەردٸڭ كەپٸلدٸك مٸندەتتەمەلەرٸ ەلٸ كٷشٸندە تۇرعان نىساندارعا قايتا جٶندەۋ جٷرگٸزۋ ٷشٸن جاڭا تەندەرلەر جارييالانعان جاعدايلار انىقتالعان.
تەكسەرۋ جۇمىستارى جول سالاسىنداعى جوسپارلاۋ مەن قۇرىلىس كەزەڭدەرٸنەن باستاپ, نىسانداردى كەيٸنگٸ پايدالانۋعا دەيٸنگٸ تٷرلٸ زاڭبۇزۋشىلىقتاردى قامتىعان. انىقتالعان فاكتٸلەر بويىنشا 33 سوتقا دەيٸنگٸ تەرگەپ-تەكسەرۋ باستالدى. الدىن الا ەسەپ بويىنشا كەلتٸرٸلگەن زالال 8 ملرد تەڭگەدەن اسادى. قازٸرگٸ ۋاقىتتا تەرگەۋ امالدارى جالعاسىپ جاتىر.
بۇدان بٶلەك, نەگٸزسٸز مەملەكەتتٸك ساتىپ الۋ شارتتارى مەن جوسپارلارىن جويۋ ارقىلى 36 ملرد تەڭگە كٶلەمٸندەگٸ ورىنسىز شىعىننىڭ الدىن الۋعا مٷمكٸندٸك بولعان.
