Qazaqstanda buǵan deiin jóndelip, merdigerlerdiń kepildiginde turǵan joldarǵa qaita jóndeý júrgizý úshin jańa tenderler jariialanǵan jaǵdailar anyqtaldy, dep habarlaidy dalanews.kz.
Premer-ministr Oljas Bektenov Memleket basshysynyń avtomobil joldary salasyn reformalaý jónindegi tapsyrmalarynyń oryndalý barysyna arnalǵan keńes ótkizdi. Jiynda jol qurylysynyń sapasyn qamtamasyz etý jáne zamanaýi avtomobil joldary jelisin qalyptastyrý máseleleri talqylandy.
Bas prokýrordyń birinshi orynbasary Jandos Ómiráliev avtomobil joldary salasyndaǵy tekserýlerdiń aldyn ala nátijelerin baiandady. Onyń aitýynsha, tekserý barysynda buryn jóndelgen joldarǵa, sonyń ishinde merdigerlerdiń kepildik mindettemeleri áli kúshinde turǵan nysandarǵa qaita jóndeý júrgizý úshin jańa tenderler jariialanǵan jaǵdailar anyqtalǵan.
Tekserý jumystary jol salasyndaǵy josparlaý men qurylys kezeńderinen bastap, nysandardy keiingi paidalanýǵa deiingi túrli zańbuzýshylyqtardy qamtyǵan. Anyqtalǵan faktiler boiynsha 33 sotqa deiingi tergep-tekserý bastaldy. Aldyn ala esep boiynsha keltirilgen zalal 8 mlrd teńgeden asady. Qazirgi ýaqytta tergeý amaldary jalǵasyp jatyr.
Budan bólek, negizsiz memlekettik satyp alý sharttary men josparlaryn joiý arqyly 36 mlrd teńge kólemindegi orynsyz shyǵynnyń aldyn alýǵa múmkindik bolǵan.
