Qazaqstannyń syrtqy memlekettik qaryzy 1 qazandaǵy jaǵdai boiynsha 18,4 milliard dollarǵa jetti. Eldiń halyqaralyq qarjy uiymdaryna, sheteldik bankterge jáne baǵaly qaǵazdar boiynsha qansha bereshegi bar ekeni belgili boldy, dep habarlaidy dalanews.kz.
Málimetke sáikes syrtqy memlekettik qaryzdyń eń úlken bóligi eýroobligatsiialarǵa tiesili. Bul baǵyttaǵy bereshek 9,33 milliard dollardan asady.
Qazaqstannyń syrtqy memlekettik qaryzy mynadai:
- Eýroobligatsiialar - 9,33 milliard dollar;
- Halyqaralyq qaita qurý jáne damý banki - 3,91 milliard dollar;
- Panda obligatsiialary - 1,49 milliard dollar;
- Aziia damý banki - 1,27 milliard dollar;
- Eýropalyq qaita qurý jáne damý banki - 47,88 million dollar;
- Islam damý banki - 38,12 million dollar;
- Aziia infraqurylymdyq investitsiialar banki - 1,16 milliard dollar;
- Resei naryǵynda ornalastyrylǵan memlekettik baǵaly qaǵazdar - 594,1 million dollar;
- Qytaidyń eksporttyq-importtyq banki - 235,24 million dollar;
- Sheteldik kommertsiialyq bankter - 200 million dollar;
- Japoniianyń halyqaralyq yntymaqtastyq agenttigi - 114,17 million dollar;
- Germaniia úkimetiniń kredittik agenttigi - 4,49 million dollar.
Osylaisha, Qazaqstannyń syrtqy memlekettik qaryzynyń basym bóligi halyqaralyq naryqta shyǵarylǵan obligatsiialar men halyqaralyq qarjy uiymdarynan alynǵan qaryzdarǵa tiesili.
