Qazaqstanda máslihat depýtattaryn sailaýǵa 35,8 milliard teńge bólinedi. Bul týraly Ortalyq sailaý komissiiasynyń múshesi Mihail Bortnik málimdedi, dep habarlaidy dalanews.kz.
Bortniktiń aitýynsha, aldaǵy sailaý aýqymy jaǵynan biyl tamyzda ótken Quryltai sailaýymen shamalas. Alaida máslihat sailaýyn uiymdastyrýǵa qosymsha komissiialar tartylady.
"Máslihat sailaýy kezinde 3022 okrýgtik komissiia jumys isteidi. Bul sailaý komissiialary quramyna qosymsha 15 110 adam tartylady degen sóz", - dep túsindirdi ol.
Bólingen qarjynyń shamamen 70 paiyzy komissiia músheleriniń eńbekaqysyn tóleýge jumsalady. Qalǵan qarajat sailaýdy uiymdastyrýǵa, sonyń ishinde kandidattardy qoldaýǵa baǵyttalady. Máselen, máslihat depýtattyǵyna úmitkerlerge 500 myńnan 700 myń teńgege deiin bólinedi.
Sailaýǵa ýchaskelik jáne okrýgtik komissiialardyń 85 myńnan asa múshesi qatysady. Sailaý barysynda 228 máslihatqa 3447 depýtat sailanady.
