Qazaqstan Prezidenti Qasym-Jomart Toqaev Iliiana Iotovany Bolgariiadaǵy prezident sailaýynda jeńiske jetýimen quttyqtady. Memleket basshysy oǵan arnaiy quttyqtaý jedelhatyn joldady, dep habarlaidy dalanews.kz.
Qasym-Jomart Toqaev quttyqtaýynda Iliiana Iotovanyń sailaýdaǵy jeńisi Bolgariia halqynyń oǵan degen senimin kórsetetinin atap ótti.
"Sailaýdaǵy jarqyn jeńisińiz – halqyńyzdyń sizge artqan joǵary senimi men elińizdiń damýyn baiandy etýge baǵyttalǵan igi bastamalaryńyzǵa kórsetken qoldaýynyń aiqyn kórinisi ekeni sózsiz", – delingen jedelhatta.
Qazaqstan Prezidenti Iliiana Iotovaǵa jaýapty memlekettik qyzmetinde tabys, al Bolgariia halqyna amandyq pen baq-bereke tiledi.
Bolgariia tarihynda alǵash ret áiel prezident bolyp sailandy
2026 jylǵy 1 qarashada Bolgariiada prezident sailaýynyń ekinshi kezeńi ótti. Sailaý qorytyndysy boiynsha Iliiana Iotova qarsylasy Andrei Giýrovty basyp ozyp, jeńiske jetti.
Resmi nátijelerge sáikes, Iotova sailaýshylardyń shamamen 57,6 paiyz daýysyn jinaǵan. Al Andrei Giýrovty 39,5 paiyzǵa jýyq sailaýshy qoldaǵan.
Iliiana Iotova kim?
Iliiana Iotova 1964 jylǵy 24 qazanda dúniege kelgen.
Ol buǵan deiin jýrnalistika jáne saiasat salasynda qyzmet atqarǵan. Eýroparlament depýtaty bolǵan.
2017 jyldan bastap Bolgariianyń vitse-prezidenti qyzmetin atqardy.
Al 2026 jylǵy qańtarda Rýmen Radev prezidenttik ókilettigin merziminen buryn toqtatqannan keiin memleket basshysy qyzmetine kirisken.
Qarashadaǵy sailaýda jeńiske jetken Iotova endi Bolgariia prezidenti retinde jańa bes jyldyq merzimge sailandy.
Aita keteiik, Bolgariia – Eýropalyq Odaq pen NATO-ǵa múshe memleket.
