قازاقستان پرەزيدەنتٸ قاسىم-جومارت توقاەۆ يلييانا يوتوۆانى بولگاريياداعى پرەزيدەنت سايلاۋىندا جەڭٸسكە جەتۋٸمەن قۇتتىقتادى. مەملەكەت باسشىسى وعان ارنايى قۇتتىقتاۋ جەدەلحاتىن جولدادى, دەپ حابارلايدى dalanews.kz.
قاسىم-جومارت توقاەۆ قۇتتىقتاۋىندا يلييانا يوتوۆانىڭ سايلاۋداعى جەڭٸسٸ بولگارييا حالقىنىڭ وعان دەگەن سەنٸمٸن كٶرسەتەتٸنٸن اتاپ ٶتتٸ.
"سايلاۋداعى جارقىن جەڭٸسٸڭٸز – حالقىڭىزدىڭ سٸزگە ارتقان جوعارى سەنٸمٸ مەن ەلٸڭٸزدٸڭ دامۋىن باياندى ەتۋگە باعىتتالعان يگٸ باستامالارىڭىزعا كٶرسەتكەن قولداۋىنىڭ ايقىن كٶرٸنٸسٸ ەكەنٸ سٶزسٸز", – دەلٸنگەن جەدەلحاتتا.
قازاقستان پرەزيدەنتٸ يلييانا يوتوۆاعا جاۋاپتى مەملەكەتتٸك قىزمەتٸندە تابىس, ال بولگارييا حالقىنا اماندىق پەن باق-بەرەكە تٸلەدٸ.
بولگارييا تاريحىندا العاش رەت ەيەل پرەزيدەنت بولىپ سايلاندى
2026 جىلعى 1 قاراشادا بولگارييادا پرەزيدەنت سايلاۋىنىڭ ەكٸنشٸ كەزەڭٸ ٶتتٸ. سايلاۋ قورىتىندىسى بويىنشا يلييانا يوتوۆا قارسىلاسى اندرەي گيۋروۆتى باسىپ وزىپ, جەڭٸسكە جەتتٸ.
رەسمي نەتيجەلەرگە سەيكەس, يوتوۆا سايلاۋشىلاردىڭ شامامەن 57,6 پايىز داۋىسىن جيناعان. ال اندرەي گيۋروۆتى 39,5 پايىزعا جۋىق سايلاۋشى قولداعان.
يلييانا يوتوۆا كٸم?
يلييانا يوتوۆا 1964 جىلعى 24 قازاندا دٷنيەگە كەلگەن.
ول بۇعان دەيٸن جۋرناليستيكا جەنە ساياسات سالاسىندا قىزمەت اتقارعان. ەۋروپارلامەنت دەپۋتاتى بولعان.
2017 جىلدان باستاپ بولگارييانىڭ ۆيتسە-پرەزيدەنتٸ قىزمەتٸن اتقاردى.
ال 2026 جىلعى قاڭتاردا رۋمەن رادەۆ پرەزيدەنتتٸك ٶكٸلەتتٸگٸن مەرزٸمٸنەن بۇرىن توقتاتقاننان كەيٸن مەملەكەت باسشىسى قىزمەتٸنە كٸرٸسكەن.
قاراشاداعى سايلاۋدا جەڭٸسكە جەتكەن يوتوۆا ەندٸ بولگارييا پرەزيدەنتٸ رەتٸندە جاڭا بەس جىلدىق مەرزٸمگە سايلاندى.
ايتا كەتەيٸك, بولگارييا – ەۋروپالىق وداق پەن ناتو-عا مٷشە مەملەكەت.
