پرەزيدەنت جولداۋىن ٸسكە اسىرۋدىڭ نەتيجەسٸ قازاقستاندىقتاردىڭ كٷندەلٸكتٸ ٶمٸرٸنەن كٶرٸنٸس تابۋى تيٸس. بۇل – جولدىڭ ساپاسى, بٸلٸم بەرۋ مەن مەديتسينالىق قىزمەتتٸڭ قولجەتٸمدٸلٸگٸ, حالىق تابىسىنىڭ ٶسۋٸ, ازاماتتاردىڭ قۇقىعىن قورعاۋ مەن زاماندىق تەحنولوگييالاردى ەنگٸزۋ. مەملەكەت باسشىسى العا قويعان مٸندەتتٸ قالاي جٷزەگە اسىرۋعا بولادى جەنە رەفورمالاردى تابىستى جٷرگٸزۋ ٷشٸن نە قاجەت? ٶڭٸرلٸك كوممۋنيكاتسييالار قىزمەتٸندە ٶتكەن قاسىم-جومارت توقاەۆتىڭ «قازاقستاننىڭ جاڭا تاريحي كەزەڭٸندەگٸ ٶزەكتٸ مٸندەتتەر» اتتى جولداۋىنىڭ نەگٸزگٸ باسىمدىقتارىنا ارنالعان بريفينگتە وسى مەسەلە تالقىلاندى, دەپ حابارلايدى dalanews.kz.
تالقىلاۋعا عىلىمي جەنە ساراپشىلىق قاۋىمداستىق ٶكٸلدەرٸ قاتىسىپ, ەل دامۋىنىڭ نەگٸزگٸ باعىتتارىن ەكونوميكا, قۇقىق, مەملەكەتتٸك باسقارۋ, بٸلٸم بەرۋ جەنە قوعامدىق قۇندىلىقتار تۇرعىسىنان قاراستىردى.
اباي اتىنداعى قازاق ۇلتتىق پەداگوگيكالىق ۋنيۆەرسيتەتٸنٸڭ گۋمانيتارلىق عىلىمدار كافەدراسىنىڭ اعا وقىتۋشىسى تالعات جانىسبايدىڭ پٸكٸرٸنشە, بيىلعى جولداۋ اۋقىمدى ساياسي ٶزگەرٸس كەزەڭٸنەن ەكونوميكالىق جەنە ەلەۋمەتتٸك مٸندەتتەردٸ ٸس جٷزٸندە شەشۋ كەزەڭٸنە كٶشۋدٸ ايقىندايدى.
ساراپشى ماڭىزدى باعىتتاردىڭ بٸرٸ رەتٸندە ينجەنەرلٸك جەلٸلەردٸ جاڭعىرتۋدى, جول, مەكتەپ پەن مەديتسينالىق مەكەمە سالۋدى كٶزدەيتٸن «حالىقتىق قۇرىلىس» جالپىۇلتتىق باعدارلاماسىن اتادى. مۇنداي جوبالار ينفراقۇرىلىمدى جاقسارتىپ قانا قويماي, قوسىمشا جۇمىس ورنىن اشىپ, كەسٸپكەرلٸكتٸ قولداپ, ٶڭٸرلەردٸڭ دامۋىنا سەرپٸن بەرۋگە مٷمكٸندٸك بەرەدٸ. سونىمەن قاتار ەنەرگەتيكالىق قاۋٸپسٸزدٸك, تەحنولوگييالاردى ەنگٸزۋ جەنە حالىقتىڭ ناقتى تابىسىن ارتتىرۋ مەسەلەلەرٸ دە ەرەكشە ماڭىزعا يە.
«حالىق رەفورمالاردىڭ نەتيجەسٸن تەك سالىنعان نىسانداردىڭ سانىمەن عانا ەمەس, تابىستىڭ ٶسۋٸ, ساپالى جولدار, قولجەتٸمدٸ مەديتسينا مەن بٸلٸم بەرۋ, سونداي-اق ەرتەڭگٸ كٷنگە دەگەن سەنٸمدٸلٸك ارقىلى سەزٸنۋٸ كەرەك. جولداۋدىڭ جٷزەگە اسىرىلۋ تيٸمدٸلٸگٸ دەل وسى كٶرسەتكٸشتەر بويىنشا باعالاناتىن بولادى», – دەپ اتاپ ٶتتٸ تالعات جانىسباي.
قازاقستاننىڭ حالىق ديپلوماتيياسى ورتالىعىنىڭ ۆيتسە-پرەزيدەنتٸ, قازاقستان ازاماتتىق اليانسى پرەزيدەنتٸنٸڭ كەڭەسشٸسٸ ۆيتاليي كولتوچنيك ەكونوميكالىق ٶزگەرٸستەردٸڭ ەلەۋمەتتٸك قىرىنا نازار اۋداردى. ونىڭ ايتۋىنشا, ەلدٸڭ ودان ەرٸ دامۋى مەملەكەتتٸك قولداۋدى ەدٸل بٶلۋمەن جەنە ازاماتتاردىڭ ٶز بەتٸنشە تابىس تابۋ مٷمكٸندٸگٸن كەڭەيتۋمەن قاتار جٷرۋٸ تيٸس.
بۇل ٷدەرٸستە تسيفرلاندىرۋ ماڭىزدى رٶل اتقارادى. وتباسىنىڭ تسيفرلىق كارتاسىن پايدالانۋ ازاماتتاردىڭ مۇقتاجدىق دەڭگەيٸن دەلٸرەك انىقتاۋعا مٷمكٸندٸك بەرسە, جاساندى ينتەللەكت تەحنولوگييالارى ينفراقۇرىلىم مەن مەملەكەتتٸك رەسۋرستى باسقارۋدىڭ تيٸمدٸلٸگٸن ارتتىرا الادى.
كولتوچنيك تاعى بٸر ماڭىزدى باعىت رەتٸندە «تازا قازاقستان» باستاماسىن اتادى. ونىڭ پٸكٸرٸنشە, بۇل باستاما ەكولوگييالىق باعدارلاما عانا بولىپ قالماي, قوعامدىق سانانى ٶزگەرتۋگە نەگٸز بولۋى تيٸس.
«ناعىز تازالىق وي-سانادان باستالادى. ەگەر ادامداردىڭ ساناسىندا, باسقارۋ كابينەتتەرٸندە ەسكٸ ەدەت ساقتالسا, وزىق تەحنولوگييالىق ەكونوميكانى قۇرۋ مٷمكٸن ەمەس. جاڭا كەزەڭدە „تازا قازاقستان“ مەملەكەتتٸك جەنە قوعامدىق ٶمٸردٸڭ بارلىق سالاسىن اۋقىمدى تٷردە جاڭارتۋدى بٸلدٸرەدٸ», – دەدٸ ۆيتاليي كولتوچنيك.
ازاماتتاردىڭ قۇقىعىن قورعاۋ مەن زاڭنامانى جەتٸلدٸرۋ مەسەلەسٸنە ەل-فارابي اتىنداعى قازاق ۇلتتىق ۋنيۆەرسيتەتٸنٸڭ زاڭ فاكۋلتەتٸنٸڭ اعا وقىتۋشىسى قانات ەليحان دا توقتالدى. ونىڭ پٸكٸرٸنشە, تسيفرلىق ەكونوميكا مەن كەسٸپكەرلٸكتٸ دامىتۋ قۇقىقتىق تەتٸكتەردٸ جاڭارتۋدى تالاپ ەتەدٸ. بۇل رەتتە ازاماتتىق كودەكستٸ جەتٸلدٸرۋگە, مەنشٸك قۇقىعىن قورعاۋعا, شارتتىق مٸندەتتەمەنٸڭ ورىندالۋى مەن ونلاين مەمٸلە جاسار كەزدە ازاماتتاردىڭ قۇقىعىن قامتاماسىز ەتۋگە ەرەكشە نازار اۋدارۋ قاجەت.
سونىمەن بٸرگە زاڭنامالىق ٶزگەرٸستەر حالىققا تٷسٸنٸكتٸ بولىپ, ازاماتتاردىڭ ٶز مٷددەسٸن قورعاۋعا ناقتى مٷمكٸندٸگٸ بولۋى كەرەك.
