دەنساۋلىق ساقتاۋ مينيسترٸ اقمارال ەلنازاروۆا اقتاۋدا بالانىڭ ەكەسٸ بالالار حيرۋرگٸنە شابۋىل جاساعان وقيعاعا قاتىستى پٸكٸر بٸلدٸردٸ. ونىڭ ايتۋىنشا, مەديتسينا قىزمەتكەرٸنٸڭ كٸنەسٸ بولسا, ونى تەرگەۋ انىقتايدى, دەپ حابارلايدى dalanews.kz.
جۋرناليست مينيستردەن دەرٸگەرلەردٸڭ زاڭسىز ەرەكەتٸنەن قورىققان ناۋقاستار 12 جىلعا دەيٸن باس بوستاندىعىنان ايىرىلۋ قاۋپٸنە بايلانىستى ٷنسٸز قالۋى مٷمكٸن بە دەپ سۇرادى.
مينيستر دەرٸگەردٸڭ جۇمىس ورنىندا كەسٸبي مٸندەتٸن اتقارىپ جاتقان سەتتە وعان كٷش قولدانۋدى اقتاۋعا بولمايتىنىن ايتتى.
«ادام جۇمىس ورنىندا بولىپ, ٶزٸنٸڭ كەسٸبي مٸندەتٸن اتقارىپ جاتىر. سول سەتتە وعان شابۋىل جاساپ, ۇرىپ-سوعىپ, جۇلقىلاۋ دۇرىس دەپ ويلايسىز با?» – دەدٸ ول.
ەلنازاروۆانىڭ مەلٸمەتٸنشە, اتالعان وقيعا بويىنشا قىلمىستىق ٸس قوزعالعان. تەرگەۋ ەكٸ تاراپتىڭ دا ەرەكەتٸنە قۇقىقتىق باعا بەرەدٸ. مينيستر سەۋٸر ايىندا قازاقستاندا مەديتسينا قىزمەتكەرلەرٸنە شابۋىل جاساعانى ٷشٸن جاۋاپكەرشٸلٸك كٷشەيتٸلگەنٸن ەسكە سالدى. قازٸر ەل بويىنشا وسى باپپەن 50-گە جۋىق قىلمىستىق ٸس قوزعالعان.
«ەگەر تەرگەۋ بارىسىندا دەرٸگەردٸڭ كٸنەسٸ انىقتالسا, وندا كەيٸن كٶرە جاتارمىز», – دەپ تولىقتىردى مينيستر.
وقيعا 31 قازاندا بولعان. بالا ساعات 15:40-تا ٸشٸنٸڭ اۋىرسىنۋىنا جەنە جالپى ەلسٸزدٸككە شاعىمدانىپ, قابىلداۋ بٶلٸمٸنە جەتكٸزٸلگەن. كەزەكشٸ حيرۋرگ ونى قاراپ, قان تالداۋىن جەنە قۇرساق قۋىسىنىڭ رەنتگەنٸن تاعايىنداعان. تەكسەرۋ نەتيجەسٸندە شۇعىل وپەراتسييانى قاجەت ەتەتٸن پاتولوگييا انىقتالماعان.
وبلىستىق دەنساۋلىق ساقتاۋ باسقارماسىنىڭ نۇسقاسى بويىنشا, جانجال دەرٸگەردٸڭ بالانىڭ اتا-اناسىنا تەكسەرۋ نەتيجەسٸن تٷسٸندٸرٸپ, سپازموليتيك تاعايىنداۋ قاجەتتٸگٸن ايتقان كەزٸندە باستالعان. وسى سەتتە بالانىڭ ەكەسٸ اگرەسسييا تانىتىپ, ٷستەلدٸ تەۋٸپ, دەرٸگەردٸ موينىنان ۇستاپ, بۋىندىرىپ, قابىرعاعا يتەرٸپ, ۇرعان.
باسقارما ٶكٸلدەرٸ بەينەباقىلاۋ كامەرالارىنداعى جازبالاردى زەردەلەگەنٸن حابارلادى. تەكسەرۋ بارىسىندا دەرٸگەر تاراپىنان مەديتسينالىق ەتيكا مەن دەونتولوگييا تالاپتارىنىڭ بۇزىلعانى نەمەسە جانجالعا سەبەپ بولۋى مٷمكٸن ەرەكەتتەر انىقتالماعان. وقيعا كەزٸندە قابىلداۋ بٶلٸمٸندە باسقا پاتسيەنتتەردٸڭ اتا-انالارى دا بولعان.
