Aqmola oblysynda Nikolskoe aýylyndaǵy joldardy jóndeýge bólingen biýdjet qarajatyn asa iri mólsherde jymqyrý kúdigi boiynsha burynǵy aýdandyq bólim basshysy men merdiger uiymnyń basshylaryna qatysty sotqa deiingi tergep-tekserý bastaldy. Bul týraly Bas prokýratýranyń baspasóz qyzmeti habarlady, dep habarlaidy dalanews.kz.
Tergeý nusqasy boiynsha, 2023 jyly Bulandy aýdanynyń turǵyn úi-kommýnaldyq sharýashylyq bólimi merdiger uiymmen Nikolskoe aýylyndaǵy uzyndyǵy 5,4 shaqyrym bolatyn aýylishilik joldardy ortasha jóndeýge kelisimshart jasasqan. Jobanyń quny 167,8 mln teńgeni quraǵan.
Kelisimshartty oryndaý merzimi 2024 jyldyń jeltoqsanynda aiaqtalǵan. Osy ýaqytqa deiin merdigerge biýdjetten 103 mln teńge aýdarylǵan.
Alaida tekserý nátijesinde 78 mln teńgeniń jumysy is júzinde oryndalmaǵany anyqtalǵan. Tergeý dereginshe, bul qarajat jol jóndeýge qatysy joq basqa maqsattarǵa jumsalǵan.
Qylmystyq is Aqmola oblysy arnaiy prokýrorlarynyń óndirisine berildi.
Qylmystyq-protsestik kodekstiń 201-babyna sáikes, ózge málimetter jariia etilmeidi.
