Ýkraina men Resei ókilderi 10–11 qarashada Birikken Arab Ámirlikteriniń astanasy Abý-Dabide kelissózder ótkizedi. Kezdesýge AQSh araaǵaiyndyq jasaidy. Bul týraly AQSh prezidentiniń arnaiy ókili Stiv Ýitkoff málimdedi, dep habarlaidy dalanews.kz.
Ýitkofftyń aitýynsha, kelissózder jumys deńgeiinde ótedi. Taraptar soǵystan keiingi qaýipsizdik kepildikterin, shielenisti báseńdetý joldaryn, gýmanitarlyq máselelerdi jáne beibit kelisimge qol jetkizýdiń kelesi qadamdaryn talqylaidy.
AQSh Eýropa elderimen de kezdesedi
Abý-Dabidegi kelissózderge deiin amerikalyq ókilder Briýsselde Frantsiia, Germaniia, Ulybritaniia, Eýropalyq odaq jáne NATO ókilderimen kezdesedi. Kezdesýde Ýkrainaǵa beriletin qaýipsizdik kepildikteri, soǵystan keiingi Eýropanyń qaýipsizdik júiesi jáne Ýkrainany qalpyna keltirýge kórsetiletin ekonomikalyq qoldaý máseleleri qarastyrylady.
AQSh tarapynyń málimetinshe, bul kezdesýler Ýkraina, Norvegiia jáne Sankt-Peterbýrgte ótken diplomatiialyq bailanystardyń jalǵasy bolmaq. Sonymen birge Resei men Ýkraina yqtimal beibit kelisimniń sharttaryna qatysty ázirge ortaq ustanymǵa kelgen joq.
