Qazaqstanda sheteldik investorlardyń Ulttyq banktiń qarjy quraldarynyń birin satyp alýyna shekteý engizilýi múmkin. Ulttyq bank qysqa merzimdi notalarǵa qatysty ózgerister ázirledi, dep habarlaidy dalanews.kz.
Ulttyq banktiń qysqamerzimdi notalary - ekonomikadaǵy aqsha kólemin retteýge arnalǵan baǵaly qaǵazdar. Olardy satyp alǵan naryq qatysýshylary qarajatyn belgili bir merzimge Ulttyq bankke ornalastyryp, odan tabys tabady.
Endi Ulttyq bank Qazaqstannyń beirezidentteri úshin osy qarjy quralyna qoljetimdilikti shekteýdi usynyp otyr. Tiisti qaýly jobasy "Ashyq NQA" portalynda jariialandy.
"Joba Qazaqstan Respýblikasy Ulttyq bankiniń qysqa merzimdi notalarymen operatsiialar júrgizý tártibin jetildirý, aqsha-kredit saiasatynyń tiimdiligin arttyrý jáne ishki aqsha naryǵynyń turaqtylyǵyn qamtamasyz etý maqsatynda ázirlendi", - dep jazylǵan habarlamada.
Qaýly jobasy 2026 jylǵy 16 qarashaǵa deiin qoǵamdyq talqylaýda bolady.
