Qazaqstan 2026 jyldyń qyrkúiek-qazan ailarynda 2,3 million tonna astyq pen un eksporttady. Bul ótken jyldyń osy kezeńimen salystyrǵanda 2 paiyzǵa kóp, dep habarlaidy dalanews.kz.
Aýyl sharýashylyǵy ministrliginiń málimetinshe, dástúrli eksport naryqtaryna astyq jetkizý kólemi 1,2 paiyzǵa artqan.
Qazaqstan astyǵyna suranys birqatar elde aitarlyqtai ósken. Atap aitqanda, Tájikstanǵa jetkizilim 19 paiyzǵa artyp, 351 myń tonnaǵa jetken. Qytaiǵa eksport 2,6 ese ósip, 373 myń tonnany quraǵan. Al Aýǵanstanǵa astyq jetkizý 1,9 ese artyp, 200 myń tonnaǵa jetti.
Qazaqstan bidaiynyń eksporty 15 paiyzǵa ósti
Biyl qańtar-qyrkúiek ailarynda Qazaqstan 6,1 million tonna bidai eksporttaǵan. Bul ótken jyldyń sáikes kezeńindegi 5,3 million tonnamen salystyrǵanda 15 paiyzǵa joǵary. Qazaqstan bidaiynyń negizgi satyp alýshylary – Ózbekstan, Tájikstan jáne Aýǵanstan.
Atap aitqanda, Ózbekstanǵa bidai eksporty 49 paiyzǵa ósip, 3,8 million tonnaǵa jetken. Tájikstanǵa jetkizilim 13,6 paiyzǵa artyp, 1 million tonnany quraǵan. Al Aýǵanstanǵa eksport 3,4 ese ósip, 663 myń tonnaǵa jetti. Sonymen qatar qazaqstandyq bidaidyń eksporttyq geografiiasy keńeiip keledi. Biyl Týniske 23,3 myń tonna, Frantsiiaǵa 6 myń tonna bidai jóneltilgen. Iranǵa jetkizilim kólemi de artyp, 67 myń tonnaǵa jetken.
Eýropaǵa astyq jetkizý azaiǵan
Eýrostat málimetinshe, Qazaqstan Eýropalyq odaq elderine astyq jetkizýdi qysqartqan. Aǵymdaǵy marketingtik jyly Eýropa naryǵyna 32,7 myń tonna astyq eksporttalǵan. Bul jalpy jetkizilimniń 5,7 paiyzyna teń. Al ótken jyly Qazaqstan Eýropalyq odaq elderine 111,97 myń tonna astyq jóneltken. Ol kezde qazaqstandyq ónimniń úlesi 24,1 paiyz bolǵan.
Aýyl sharýashylyǵy ministrliginiń dereginshe, Qazaqstannyń eksporttyq áleýeti 13 million tonna astyqqa baǵalanyp otyr. 2026 jyly elimizde 24,3 million tonna astyq jinaldy. Al 2025-2026 marketingtik jyly Qazaqstan astyq ekvivalentimen eseptegende 15,5 million tonna astyq pen un eksporttaǵan.
