Qazaqstan Ulttyq banki qazan aiynda Biryńǵai jinaqtaýshy zeinetaqy qorynyń (BJZQ) zeinetaqy aktivterindegi shetel valiýtasynyń úlesin saqtaý maqsatynda birjadan 568 mln dollarǵa valiýta satyp aldy, dep habarlaidy dalanews.kz.
Bul shamamen 258 mlrd teńge. Satyp alý kólemi Qazaqstan qor birjasyndaǵy jalpy saýda-sattyqtyń 7%-yn qurady.
Ulttyq banktiń 2 qarashada jariialaǵan málimetine sáikes, qyrkúiek aiynda osy maqsatta 986 mln dollarǵa valiýta satyp alynǵan. Osylaisha, qazandaǵy satyp alý kólemi bir aida 418 mln dollarǵa nemese 42,4%-ǵa azaiǵan. Qyrkúiekte bul operatsiialardyń birjadaǵy jalpy saýda kólemindegi úlesi 9,4% bolǵan.
Retteýshi valiýta satyp alý týraly sheshimder naryqtaǵy jaǵdaiǵa qarai, zeinetaqy aktivterin investitsiialyq basqarý aiasynda qabyldanatynyn málimdedi.
BJZQ aktivteriniń qansha bóligi dollarmen saqtalady?
BJZQ-nyń 2026 jylǵy 1 qazandaǵy esebine sáikes, Ulttyq banktiń senimgerlik basqarýyndaǵy mindetti, mindetti kásiptik jáne erikti zeinetaqy jarnalary esebinen qalyptasqan aktivterdiń 58,86%-y teńgemen, al 41,13%-y AQSh dollarymen nominatsiialanǵan qarjy quraldaryna ornalastyrylǵan.
Bul rette zeinetaqy jinaqtary túgeldei dollarǵa aýystyrylǵan joq. Valiýtalyq satyp alýdyń maqsaty – investitsiialyq portfeldegi shetel valiýtasynyń úlesin saqtaý jáne aktivterdi ártaraptandyrý.
1 qazandaǵy jaǵdai boiynsha Ulttyq banktiń senimgerlik basqarýyndaǵy atalǵan sanattaǵy zeinetaqy aktivteriniń kólemi 26,63 trln teńge bolǵan. Al jumys berýshiniń mindetti zeinetaqy jarnalary esebinen qalyptasqan aktivter 1,43 trln teńgeni quraǵan. Investitsiialyq portfeldi basqarýshylardyń qaramaǵyndaǵy aktivter kólemi 206,11 mlrd teńgege jetken.
Ulttyq bank valiýta naryǵynda taǵy qandai operatsiialar júrgizdi?
Qazan aiynyń qorytyndysy boiynsha teńge AQSh dollaryna shaqqanda 3%-ǵa álsirep, 453,77 teńgege deiin tómendegen. Qazaqstan qor birjasyndaǵy ortasha kúndik saýda kólemi qyrkúiektegi 474 mln dollardan qazanda 397 mln dollarǵa deiin azaiǵan. Ai ishindegi jalpy saýda kólemi 8,4 mlrd dollar bolǵan.
Ulttyq bank qazan aiynda valiýtalyq interventsiia júrgizbegen. Sonymen qatar Úkimettiń qarjylandyrý jónindegi ótinimderin qamtamasyz etý úshin Ulttyq qordan 910 mln dollar satyp alǵan. Bul qarajat ishki valiýta naryǵynda Ulttyq qor operatsiialaryn ainadai qaitalaý tetigi aiasynda satylatyn bolady.
Budan bólek, altyn satyp alý operatsiialaryn ainadai qaitalaý aiasynda qazanda shamamen 302 mlrd teńge kólemindegi ótimdilik ainalymnan alynǵan. Ulttyq bank qarashada osy maqsatta 302 mlrd teńgege balama shetel valiýtasyn satýdy josparlap otyr.
Retteýshi qysqa merzimde teńge baǵamyna naryq qatysýshylarynyń kútýleri, toqsandyq salyq tólemderi, álemdik naryqtaǵy jaǵdai jáne geosaiasi ahýal áser etetinin atap ótti.
