قازاقستان 2026 جىلدىڭ قىركٷيەك-قازان ايلارىندا 2,3 ميلليون توننا استىق پەن ۇن ەكسپورتتادى. بۇل ٶتكەن جىلدىڭ وسى كەزەڭٸمەن سالىستىرعاندا 2 پايىزعا كٶپ, دەپ حابارلايدى dalanews.kz.
اۋىل شارۋاشىلىعى مينيسترلٸگٸنٸڭ مەلٸمەتٸنشە, دەستٷرلٸ ەكسپورت نارىقتارىنا استىق جەتكٸزۋ كٶلەمٸ 1,2 پايىزعا ارتقان.
قازاقستان استىعىنا سۇرانىس بٸرقاتار ەلدە ايتارلىقتاي ٶسكەن. اتاپ ايتقاندا, تەجٸكستانعا جەتكٸزٸلٸم 19 پايىزعا ارتىپ, 351 مىڭ تونناعا جەتكەن. قىتايعا ەكسپورت 2,6 ەسە ٶسٸپ, 373 مىڭ توننانى قۇراعان. ال اۋعانستانعا استىق جەتكٸزۋ 1,9 ەسە ارتىپ, 200 مىڭ تونناعا جەتتٸ.
قازاقستان بيدايىنىڭ ەكسپورتى 15 پايىزعا ٶستٸ
بيىل قاڭتار-قىركٷيەك ايلارىندا قازاقستان 6,1 ميلليون توننا بيداي ەكسپورتتاعان. بۇل ٶتكەن جىلدىڭ سەيكەس كەزەڭٸندەگٸ 5,3 ميلليون توننامەن سالىستىرعاندا 15 پايىزعا جوعارى. قازاقستان بيدايىنىڭ نەگٸزگٸ ساتىپ الۋشىلارى – ٶزبەكستان, تەجٸكستان جەنە اۋعانستان.
اتاپ ايتقاندا, ٶزبەكستانعا بيداي ەكسپورتى 49 پايىزعا ٶسٸپ, 3,8 ميلليون تونناعا جەتكەن. تەجٸكستانعا جەتكٸزٸلٸم 13,6 پايىزعا ارتىپ, 1 ميلليون توننانى قۇراعان. ال اۋعانستانعا ەكسپورت 3,4 ەسە ٶسٸپ, 663 مىڭ تونناعا جەتتٸ. سونىمەن قاتار قازاقستاندىق بيدايدىڭ ەكسپورتتىق گەوگرافيياسى كەڭەيٸپ كەلەدٸ. بيىل تۋنيسكە 23,3 مىڭ توننا, فرانتسيياعا 6 مىڭ توننا بيداي جٶنەلتٸلگەن. يرانعا جەتكٸزٸلٸم كٶلەمٸ دە ارتىپ, 67 مىڭ تونناعا جەتكەن.
ەۋروپاعا استىق جەتكٸزۋ ازايعان
ەۋروستات مەلٸمەتٸنشە, قازاقستان ەۋروپالىق وداق ەلدەرٸنە استىق جەتكٸزۋدٸ قىسقارتقان. اعىمداعى ماركەتينگتٸك جىلى ەۋروپا نارىعىنا 32,7 مىڭ توننا استىق ەكسپورتتالعان. بۇل جالپى جەتكٸزٸلٸمنٸڭ 5,7 پايىزىنا تەڭ. ال ٶتكەن جىلى قازاقستان ەۋروپالىق وداق ەلدەرٸنە 111,97 مىڭ توننا استىق جٶنەلتكەن. ول كەزدە قازاقستاندىق ٶنٸمنٸڭ ٷلەسٸ 24,1 پايىز بولعان.
اۋىل شارۋاشىلىعى مينيسترلٸگٸنٸڭ دەرەگٸنشە, قازاقستاننىڭ ەكسپورتتىق ەلەۋەتٸ 13 ميلليون توننا استىققا باعالانىپ وتىر. 2026 جىلى ەلٸمٸزدە 24,3 ميلليون توننا استىق جينالدى. ال 2025-2026 ماركەتينگتٸك جىلى قازاقستان استىق ەكۆيۆالەنتٸمەن ەسەپتەگەندە 15,5 ميلليون توننا استىق پەن ۇن ەكسپورتتاعان.
