Prezidenttiń Qazaqstan halqyna Joldaýynda belgilengen tehnologiialyq jańǵyrý mindetteri eńbek ónimdiligin arttyryp, jańa jumys oryndaryn ashýǵa jáne halyqtyń tabysyn ósirýge yqpal etýi tiis. Bul týraly Quryltai depýtaty, «Ádilet» partiiasy fraktsiiasynyń múshesi Aidos Sarym málimdedi, dep habarlaidy dalanews.kz.
Depýtattyń aitýynsha, Memleket basshysy energetikalyq derbestikti nyǵaitý, tranzittik tasymaldy arttyrý, aýyl sharýashylyǵyn damytý jáne Qazaqstandy Eýraziianyń kólik-logistikalyq ortalyǵyna ainaldyrý baǵytynda aýqymdy mindetter qoidy.
Sondai-aq Joldaýda tsifrlandyrý men jasandy intellektini damytýǵa erekshe nazar aýdarylǵan. Prezident Úkimetke osy baǵytta naqty is-sharalar baǵdarlamasyn ázirleýdi tapsyrǵan.
Aidos Sarymnyń pikirinshe, tehnologiialyq jańǵyrý ekonomikanyń tiimdiligin arttyryp qana qoimai, azamattardyń ál-aýqatyna da tikelei áser etýi kerek.
«Tehnologiialyq jańǵyrý eńbek ónimdiligin arttyryp, jańa jumys oryndarynyń ashylýyna jáne halyqtyń tabysyn ósirýge áser etedi», – dedi depýtat.
