Aqmola oblysy Shýchinsk qalasynda turǵyndar Býrabaiǵa jaqyn mańdaǵy qaraǵaily ormannyń bir bóligi qorshalǵanyna alańdap otyr, dep habarlaidy dalanews.kz.
Áleýmettik jelide jariialanǵan aqparatqa súiensek, qorshalǵan aýmaqqa jyljymaityn múlik salynýy múmkin. Jazba avtorlary bul jerge oligarhtarǵa arnalǵan ǵimarattar salynýy yqtimal dep kúdiktenip otyr. Alaida bul aqparat ázirge rastalǵan joq.
Turǵyndar jer telimi qandai negizde berilgenin, qorshaýdyń zańdylyǵyn jáne qurylys júrgizý jospary bar-joǵyn tekserýdi talap etti.
"Jariialanǵan aýqymdy qurylys jyly bulai ótpeýi kerek", - dep jazylǵan jazbada.
Sondai-aq, turǵyndar Aqmola oblysynyń ákimi Marat Muratulynan jaǵdaiǵa nazar aýdaryp, tiisti shara qabyldaýdy surady.
