Azamattyq zańnamany aldaǵy ýaqytta jańartý máselesine qatysty óz pikirin Marjanǵul Ákimjanova bólisti. Ol – filosofiia doktory, qaýymdastyrylǵan professor, Qazaqstan Respýblikasy Zańnama jáne quqyqtyq aqparat institýty bóliminiń basshysy, dep habarlaidy dalanews.kz.
30 jyldan astam ýaqyt buryn qabyldanǵan qoldanystaǵy Azamattyq kodeks búginde jańa talaptarǵa tap bolyp otyr. Oǵan tsifrlyq ekonomikanyń, jasandy intellektiniń, tsifrlyq aktivter men platformalyq qatynastardyń damýy áser etýde. Osyǵan bailanysty qoldanystaǵy quqyqtyq tetikterdi qaita qarap, olardy jetildirý baǵyttaryn aiqyndaý qajet.
Alaida sarapshy zańnamany jańartý tek ózgeris engizý úshin jasalmaýy kerektigin atap ótti. Onyń aitýynsha, tiimdiligin dáleldegen quqyqtyq normalardy saqtap, otandyq azamattyq quqyq ǵylymynyń sabaqtastyǵyn qamtamasyz etý mańyzdy.
Reformanyń basty maqsaty – zańnamany túbegeili ózgertý emes, sapaly sheshimder qabyldaý. Jańa Azamattyq kodeks qoǵam men biznes qajettilikterine sai keletin, zamanaýi talaptarǵa jaýap beretin jáne uzaq jyldarǵa negiz bolatyn quqyqtyq qujatqa ainalýy tiis.
