Petropavldaǵy Maǵjan Jumabaev atyndaǵy joǵary kolledjdiń 14 stýdentinen juqpaly teri aýrýy anyqtalǵannan keiin jataqhananyń meditsina qyzmetkeri ákimshilik jaýapkershilikke tartyldy. Epidemiologiialyq tekserý barysynda infektsiianyń boljamdy kózi anyqtalyp, bilim alýshylardy meditsinalyq tekserýden ótkizý kezinde birqatar talaptyń saqtalmaǵany belgili boldy, dep habarlaidy dalanews.kz.
Infektsiia qalai taraǵan?
FBRK málimetinshe, mamandar stýdentter arasynda dene dermatofitiiasy, iaǵni halyq arasynda "temiretki" dep atalatyn sańyraýqulaq aýrýy taraǵanyn rastaǵan.
Tekserý qorytyndysyna sáikes, infektsiiany alǵashqylardyń biri bolyp aýdannan kelgen stýdent juqtyrǵan. Ol aýrýǵa shaldyqqan úi janýarymen bailanysta bolǵan. Keiin dert jataqhanada birge turatyn ózge stýdentterge taraǵan.
Zerthanalyq tekserý nátijesinde 14 stýdentten aýrý belgileri anyqtaldy. Olardyń barlyǵy jataqhananyń bir qabatynda, bir-birine jaqyn bólmelerde turǵan jáne kúndelikti turmysta tyǵyz qarym-qatynasta bolǵan.
Meditsina qyzmetkerine aiyppul salyndy
Petropavl qalalyq sanitariialyq-epidemiologiialyq baqylaý basqarmasynyń bólim basshysy Anara Kýrgýnbaevanyń málimetinshe, stýdentter kanikýldan oralǵannan keiin meditsinalyq tekserý ýaqytynda júrgizilmegen.
Osyǵan bailanysty jataqhananyń meditsina qyzmetkerine 43 250 teńge kóleminde aiyppul salyndy. Buǵan deiin kolledjdiń ózi de ákimshilik jaýapkershilikke tartylǵany habarlanǵan edi.
Jataqhanada dezinfektsiia júrgizildi
Aýrý anyqtalǵannan keiin jataqhana men oqý ǵimarattarynda qorytyndy dezinfektsiia jasaldy. Stýdentter meditsinalyq baqylaýǵa alynyp, naýqastarǵa tiisti em taǵaiyndaldy.
Sanitariialyq mamandar temiretkiniń aldyn alý úshin ózgeniń taraǵyn, kiimin, aiaqkiimin, bas kiimi men tósek-ornyn paidalanbaýǵa keńes beredi. Sondai-aq janýarlardy ustaǵannan keiin qoldy muqiiat jýyp, qańǵybas it-mysyqtarǵa jaqyndamaǵan jón.
Teride nemese bastyń shashty bóliginde kúmándi bórtpe baiqalsa, der kezinde dermatologke qaralý qajet.
