5 qarashada tańerteń Almaty metrosynda tosyn jaǵdai boldy. Qala turǵyndarynyń aitýynsha, jolaýshylar "Raiymbek batyr" stantsiiasyna kire almaǵan. Keibiri jolyn avtobýspen jalǵastyrýǵa májbúr bolǵan. Almaty politsiiasy oqiǵanyń mán-jaiyn túsindirdi, dep habarlaidy dalanews.kz.
Politsiia departamenti málimetinshe, "Raiymbek batyr" stantsiiasynda bir áiel metro qyzmetkerlerine jarylǵysh qurylǵy bar ekenin aitqan. Ol birden ustaldy.
Osy oqiǵadan keiin arnaiy komissiia stantsiiany teksergen. Tekseris barysynda jarylǵysh qurylǵylar men kúdikti zattar tabylmaǵan.
"Aldyn ala málimet boiynsha áiel Psihikalyq densaýlyq ortalyǵynda esepte tur. Qazir tekseris júrgizilip jatyr. Onyń qorytyndysy boiynsha áieldiń áreketine quqyqtyq baǵa beriledi", - dedi Almaty Politsiia departamentiniń baspasóz qyzmeti ókili.
Qazir metro qalypty rejimde jumys istep tur. Jaǵdai quqyq qorǵaý organdarynyń baqylaýynda.
