Mańǵystaýda áskeri qyzmetshilerdiń qaza tabýyna qatysty tergeý barysy Bas prokýratýranyń erekshe baqylaýynda, dep habarlaidy dalanews.kz.
Ishki ister ministrliginiń áskeri-tergeý organdary Mańǵystaý oblysynda oqý-jattyǵý kezinde áskeri qyzmetshilerdiń qaza tabý deregi boiynsha qylmystyq isti tergeýdi jalǵastyryp jatyr.
Qaiǵyly oqiǵanyń barlyq mán-jaiyn jan-jaqty anyqtaý úshin keshendi tergeý áreketteri júrgizilgen.
"Qazirge deiin 300-den asa adamnan jaýap alynyp, 30-dan asa sot saraptamasy men zertteý júrgizildi", - dep jazylǵan habarlamada.
Eske salaiyq, tergeý barysynda qyzmetke salǵyrt qarady jáne keme júrgizý qaǵidalaryn buzdy degen kúdikpen 8 laýazymdy tulǵa sot sanktsiiasymen qamaýǵa alyndy. Olar - Qarýly Kúshterdiń Áskeri-teńiz kúshteriniń bas qolbasshysy, onyń birinshi orynbasary men jaýyngerlik daiarlyq jónindegi orynbasary, eki áskeri bólimniń komandirleri, teńiz jaiaý áskeri batalony men rotasynyń komandirleri, sondai-aq, kater kapitany.
"Jaqyn arada tergeý áreketterin aiaqtap, qylmystyq protseske qatysýshylardy is materialdarymen tanystyrý josparlanyp otyr. Tergeý barysy Bas prokýratýranyń erekshe baqylaýynda", - dep jazylǵan habarlamada.
