Qostanaida 86 jastaǵy qariiany óltirdi degen kúdikpen 17 jastaǵy jasóspirim ustaldy. Bul týraly «Nasha gazeta» basylymy habarlady, dep habarlaidy dalanews.kz.
Qostanai oblystyq politsiia departamentiniń baspasóz qyzmetiniń málimetinshe, kúdikti jedel-izdestirý sharalary barysynda anyqtalyp, qolǵa túsken.
«Jedel-izdestirý is-sharalary kezinde politsiia qyzmetkerleri kúdiktini anyqtap, ustady. Ol ýaqytsha ustaý izoliatoryna qamaldy», – dep habarlady politsiia departamenti.
Atalǵan fakti boiynsha qylmystyq is qozǵalǵan. Kúdikti 4 qarashada ustalǵan. Qazir tergeý amaldary júrgizilip, oqiǵanyń barlyq mán-jaiy anyqtalyp jatyr.
Basylym málimetinshe, qylmys 30 qazanda Qostanaidaǵy Qubeev kóshesinde bolǵan. Áleýmettik jelilerde taraǵan aqparatqa sáikes, qart adamnyń máiiti turǵyn úi aýlasyndaǵy oryndyqtan tabylǵan. Onyń tamaǵy kesilgeni habarlanǵan.
