Қостанайда 86 жастағы қарияны өлтірді деген күдікпен 17 жастағы жасөспірім ұсталды. Бұл туралы «Наша газета» басылымы хабарлады, деп хабарлайды dalanews.kz.
Қостанай облыстық полиция департаментінің баспасөз қызметінің мәліметінше, күдікті жедел-іздестіру шаралары барысында анықталып, қолға түскен.
«Жедел-іздестіру іс-шаралары кезінде полиция қызметкерлері күдіктіні анықтап, ұстады. Ол уақытша ұстау изоляторына қамалды», – деп хабарлады полиция департаменті.
Аталған факті бойынша қылмыстық іс қозғалған. Күдікті 4 қарашада ұсталған. Қазір тергеу амалдары жүргізіліп, оқиғаның барлық мән-жайы анықталып жатыр.
Басылым мәліметінше, қылмыс 30 қазанда Қостанайдағы Құбеев көшесінде болған. Әлеуметтік желілерде тараған ақпаратқа сәйкес, қарт адамның мәйіті тұрғын үй ауласындағы орындықтан табылған. Оның тамағы кесілгені хабарланған.
