Qaraǵandy turǵyny Ekaterina Prihodko marqum aǵasynan qalǵan baspananyń úlesin ielený úshin qala ákimi Meiram Qojyqovty sotqa berip, isti jeńip shyqty, dep habarlaidy dalanews.kz.
Sot dereginshe, áieldiń aǵasy 2020 jylǵy 9 aqpanda qaitys bolǵan. Alaida onyń ólimi arada alty jyldan astam ýaqyt ótken soń, 2026 jylǵy 16 maýsymda ǵana memlekettik tirkeýge alynǵan.
Marqumnan turǵyn úidiń jarty úlesi muraǵa qalǵan. Ekaterina Prihodko muragerlik quqyǵyn rásimdeý úshin notariýsqa júgingenimen, zańda belgilengen alty ailyq merzimniń ótip ketýine bailanysty qujat ala almaǵan.
Osydan keiin áiel murany qabyldaý merzimin qalpyna keltirýdi jáne ózin murany qabyldaǵan murager retinde tanýdy surap, Qaraǵandy qalasynyń ákimine qarsy sotqa talap aryz túsirgen.
"Qaraǵandy qalasy Qazybek bi aýdandyq №2 soty murany qabyldaý merzimin qalpyna keltirý jáne talap qoiýshyny murany qabyldaǵan dep taný týraly azamattyq isti qarady", – delingen sot habarlamasynda.
Is materialdary men usynylǵan dálelderdi zerdelegen sot muragerlik merzimniń dáleldi ári obektivti sebeptermen ótkizilip alynǵanyn anyqtady. Nátijesinde sot Ekaterina Prihodkonyń talabyn qanaǵattandyryp, onyń marqum aǵasynan qalǵan úidiń jarty úlesine muragerlik quqyǵyn moiyndady.
