قاراعاندى تۇرعىنى ەكاتەرينا پريحودكو مارقۇم اعاسىنان قالعان باسپانانىڭ ٷلەسٸن يەلەنۋ ٷشٸن قالا ەكٸمٸ مەيرام قوجىقوۆتى سوتقا بەرٸپ, ٸستٸ جەڭٸپ شىقتى, دەپ حابارلايدى dalanews.kz.
سوت دەرەگٸنشە, ەيەلدٸڭ اعاسى 2020 جىلعى 9 اقپاندا قايتىس بولعان. الايدا ونىڭ ٶلٸمٸ ارادا التى جىلدان استام ۋاقىت ٶتكەن سوڭ, 2026 جىلعى 16 ماۋسىمدا عانا مەملەكەتتٸك تٸركەۋگە الىنعان.
مارقۇمنان تۇرعىن ٷيدٸڭ جارتى ٷلەسٸ مۇراعا قالعان. ەكاتەرينا پريحودكو مۇراگەرلٸك قۇقىعىن رەسٸمدەۋ ٷشٸن نوتاريۋسقا جٷگٸنگەنٸمەن, زاڭدا بەلگٸلەنگەن التى ايلىق مەرزٸمنٸڭ ٶتٸپ كەتۋٸنە بايلانىستى قۇجات الا الماعان.
وسىدان كەيٸن ەيەل مۇرانى قابىلداۋ مەرزٸمٸن قالپىنا كەلتٸرۋدٸ جەنە ٶزٸن مۇرانى قابىلداعان مۇراگەر رەتٸندە تانۋدى سۇراپ, قاراعاندى قالاسىنىڭ ەكٸمٸنە قارسى سوتقا تالاپ ارىز تٷسٸرگەن.
"قاراعاندى قالاسى قازىبەك بي اۋداندىق №2 سوتى مۇرانى قابىلداۋ مەرزٸمٸن قالپىنا كەلتٸرۋ جەنە تالاپ قويۋشىنى مۇرانى قابىلداعان دەپ تانۋ تۋرالى ازاماتتىق ٸستٸ قارادى", – دەلٸنگەن سوت حابارلاماسىندا.
ٸس ماتەريالدارى مەن ۇسىنىلعان دەلەلدەردٸ زەردەلەگەن سوت مۇراگەرلٸك مەرزٸمنٸڭ دەلەلدٸ ەرٸ وبەكتيۆتٸ سەبەپتەرمەن ٶتكٸزٸلٸپ الىنعانىن انىقتادى. نەتيجەسٸندە سوت ەكاتەرينا پريحودكونىڭ تالابىن قاناعاتتاندىرىپ, ونىڭ مارقۇم اعاسىنان قالعان ٷيدٸڭ جارتى ٷلەسٸنە مۇراگەرلٸك قۇقىعىن مويىندادى.
