ازاماتتىق زاڭنامانى الداعى ۋاقىتتا جاڭارتۋ مەسەلەسٸنە قاتىستى ٶز پٸكٸرٸن مارجانعۇل ەكٸمجانوۆا بٶلٸستٸ. ول – فيلوسوفييا دوكتورى, قاۋىمداستىرىلعان پروفەسسور, قازاقستان رەسپۋبليكاسى زاڭناما جەنە قۇقىقتىق اقپارات ينستيتۋتى بٶلٸمٸنٸڭ باسشىسى, دەپ حابارلايدى dalanews.kz.
30 جىلدان استام ۋاقىت بۇرىن قابىلدانعان قولدانىستاعى ازاماتتىق كودەكس بٷگٸندە جاڭا تالاپتارعا تاپ بولىپ وتىر. وعان تسيفرلىق ەكونوميكانىڭ, جاساندى ينتەللەكتٸنٸڭ, تسيفرلىق اكتيۆتەر مەن پلاتفورمالىق قاتىناستاردىڭ دامۋى ەسەر ەتۋدە. وسىعان بايلانىستى قولدانىستاعى قۇقىقتىق تەتٸكتەردٸ قايتا قاراپ, ولاردى جەتٸلدٸرۋ باعىتتارىن ايقىنداۋ قاجەت.
الايدا ساراپشى زاڭنامانى جاڭارتۋ تەك ٶزگەرٸس ەنگٸزۋ ٷشٸن جاسالماۋى كەرەكتٸگٸن اتاپ ٶتتٸ. ونىڭ ايتۋىنشا, تيٸمدٸلٸگٸن دەلەلدەگەن قۇقىقتىق نورمالاردى ساقتاپ, وتاندىق ازاماتتىق قۇقىق عىلىمىنىڭ ساباقتاستىعىن قامتاماسىز ەتۋ ماڭىزدى.
رەفورمانىڭ باستى ماقساتى – زاڭنامانى تٷبەگەيلٸ ٶزگەرتۋ ەمەس, ساپالى شەشٸمدەر قابىلداۋ. جاڭا ازاماتتىق كودەكس قوعام مەن بيزنەس قاجەتتٸلٸكتەرٸنە ساي كەلەتٸن, زاماناۋي تالاپتارعا جاۋاپ بەرەتٸن جەنە ۇزاق جىلدارعا نەگٸز بولاتىن قۇقىقتىق قۇجاتقا اينالۋى تيٸس.
