استاناداعى كاسساتسييالىق سوت جۋرناليست ەرٸ بەلسەندٸ ميربولات مىرزاتايۇلىنا قاتىستى ٷكٸمدٸ ٶزگەرٸسسٸز قالدىردى. ول ۇلتتىق ارازدىقتى قوزدىردى دەپ ايىپتالىپ, تٶرت جىلعا باس بوستاندىعىنان ايىرىلعان. ال بلوگەردٸڭ ٶزٸ مەملەكەتتٸك ورگان ٶكٸلدەرٸنەن مەملەكەتتٸك تٸلدە سٶيلەسۋدٸ تالاپ ەتكەنٸن ايتقان, دەپ حابارلايدى dalanews.kz.
Facebook ەلەۋمەتتٸك جەلٸسٸنٸڭ قولدانۋشىسى گٷلەكە ٶمٸرجەتەگٸ كاسساتسييالىق سوتتىڭ شەشٸمٸنە قاتىستى پٸكٸر بٸلدٸردٸ. ونىڭ ايتۋىنشا, سوت جۋرناليست پەن بەلسەندٸنٸڭ تٶرت جىلعا سوتتالعانى تۋرالى ٷكٸمدٸ كٷشٸندە قالدىرعان.
«بٷگٸن استاناداعى كاسساتسييالىق سوت تاعى دا ەدٸلەتسٸز شەشٸم شىعاردى. ٶز ەلٸندە مەملەكەتتٸك تٸلدٸڭ مەرتەبەسٸن ساقتاۋدى تالاپ ەتكەنٸ ٷشٸن تٶرت جىلعا باس بوستاندىعىنان ايىرىلعان جۋرناليست ەرٸ بەلسەندٸ ميربولات مىرزاتايۇلىنا قاتىستى ٷكٸم ٶزگەرٸسسٸز قالدى. بۇل – ٶز انا تٸلٸنٸڭ قۇقىعىن قورعاعان ازاماتتى قولداۋدىڭ ورنىنا تەمٸر تورعا توعىتقان جٷيەنٸڭ كەزەكتٸ سوققىسى», – دەپ جازدى ول.
سونداي-اق 3 قاراشادا ٶتكەن سوت وتىرىسىنان كەيٸن بەلسەندٸنٸڭ جۇبايى گٷلشات بيشۋينوۆا دا كاسساتسييالىق سوتتىڭ ٷكٸمدٸ ٶزگەرٸسسٸز قالدىرعانىن حابارلادى.
ەسكە سالايىق, بىلتىر قاراشادا الماتى قالاسىنىڭ مەدەۋ اۋداندىق سوتى ميربولات مىرزاتايۇلىن (بيشۋينوۆ) تٶرت جىلعا باس بوستاندىعىنان ايىرعان بولاتىن. وعان قىلمىستىق كودەكستٸڭ 174-بابى 1-بٶلٸگٸ, ياعني «ەلەۋمەتتٸك, ۇلتتىق, رۋلىق, نەسٸلدٸك, تەكتٸك-توپتىق نەمەسە دٸني الاۋىزدىقتى قوزدىرۋ» بابى بويىنشا ايىپ تاعىلعان.
ايىپتاۋ اكتٸسٸندەگٸ مەلٸمەتكە سەيكەس, 2025 جىلعى سەۋٸردە الماتىداعى قوقىس شىعاراتىن ۇيىمداردىڭ بٸرٸندە مەكەمە باسشىسى مەن بلوگەر اراسىندا قازاق تٸلٸن قولدانۋعا بايلانىستى جانجال بولعان. ميربولات مىرزاتايۇلى وسى وقيعانىڭ ۆيدەوسىن ەلەۋمەتتٸك جەلٸدە جارييالاعان.
بەينەجازبادا بلوگەردٸڭ مەكەمە باسشىسىنا: «باسشىلىق قىزمەتتە وتىرىپ, مەملەكەتتٸك تٸلدٸ قۇرمەتتەمەيسٸز. بٸز سٸزدەن ورنىڭىزدى دەرەۋ بوساتۋدى تالاپ ەتەمٸز», – دەگەن سٶزدەرٸ ەستٸلەدٸ. دەل وسى ۆيدەو قىلمىستىق ٸستٸڭ قوزعالۋىنا نەگٸز بولعان.
ميربولات مىرزاتايۇلى ٶزٸنە تاعىلعان ايىپپەن دە, سوت ٷكٸمٸمەن دە كەلٸسپەگەن. قازٸر ول الماتى وبلىسىنداعى زارەچنىي كەنتٸندە ورنالاسقان تٷزەۋ مەكەمەسٸندە جازاسىن ٶتەپ جاتىر.
55 جاستاعى ميربولات مىرزاتايۇلى – YouTube جەلٸسٸندەگٸ «جۋرناليستٸك زەرتتەۋلەر اگەنتتٸگٸ» ارناسىنىڭ اۆتورى. ارنادا نەگٸزٸنەن ەلدەگٸ سوت پروتسەستەرٸ, ميتينگٸلەر مەن پيكەتتەر تۋرالى ماتەريالدار جارييالانادى. ول بۇعان دەيٸن ۇزاق جىلدار بويى مەملەكەتتٸك تەلەارنالاردا جۇمىس ٸستەگەن.
