Back
| DalaNews

Шығыс Қазақстанға COVID-19-дан қорғау құралдары жеткізілді (фото)

Кеше сағат 18.20-да медицина бұйымдары тиелген 14 тонна жүк Қытайдан Өскемен әуежайына жеткізілді.

Атап айтқанда, 100 мың экспресс-тест, 18 мың қорғаныш костюмдері, 80 мың респиратор, 10 мың данадан COVID-19 қарсы медициналық қорғаныс маскалары, экрандары мен көзілдіріктері.

| DalaNews

Осылайша, облыстың барлық инфекциялық, провизорлық және обсервациялық стационарларының қажеттілігін толығымен қамтамасыз етіледі. Экспресс-тестілеуден алдымен КВИ-мен күресте алдыңғы шепте жүрген адамдар өтеді. Олар медицина қызметкерлері, құқық қорғау және санитарлық-эпидемиологиялық органдардың қызметкерлері.

| DalaNews

Шығыс Қазақстан облысының әкімі Даниал Ахметов хабарлағандай, медициналық тауарлар мен арнайы құралдарды сатып алу және тасымалдау “Парыз” қоғамдық қоры есебінен қаржыландырылды.

Тауарларды қысқа мерзім ішінде сатып алу қытайлық серіктес – Синьцзяндық “Сан Бао” сауда-өнеркәсіптік корпорациясы ЖШС арқасында мүмкін болды.

Айта кетейік, компания ШҚО тұрғындары үшін өз есебінен 10 млн.теңгеден астам сомаға қосымша Alena-310 маркалы 2200 қорғаныш маскасын, сондай-ақ 200 мың дана қан алу үшін бір реттік инелер мен градуирленген пипеткаларды жіберді.

| DalaNews

“Сан Бао” корпорациясының басшылығы Қазақстан халқына мықты денсаулық және тезарада пандемияны жеңуін тіледі.

| DalaNews

– Елбасы үндеуіне сәйкес және ел Президентінің тапсырмасын орындау аясында біздің облыс қысқа мерзімде қытайлық әріптестермен ынтымақтастықта қажетті медициналық құралдар мен тауарлар сатып алды. Бұл біздің жерлестеріміздің денсаулығы мен өмірін сақтау үшін алдыңғы қатарда жұмыс істеп жүрген медициналық және санитарлық-эпидемиологиялық қызмет мамандарын COVID-19-дан қорғау құралдарының қорын қамтамасыз етуге мүмкіндік береді, – деп атап өтті аймақ басшысы Даниал Ахметов.

| DalaNews

Тауарларды тиеп жөнелтуге “Nur Otan” еріктілер де белсенді түрде қатысты. Облыстың қалалары мен аудандарына әрі қарай бөлу үшін медициналық бұйымдар Жұмылдыру дайындығы басқармасының қоймасына жеткізіледі.

ШҚО әкімінің баспасөз қызметі