Korean Air әуе компаниясы Қазақстан нарығына кіреді, деп хабарлайды dalanews.kz.
Әуе компания тасымалды 2027 жылы жаздан бастауды жоспарлап отыр. Рейстер Сеул – Алматы бағыты бойынша орындалады. Сондай-ақ, компания Сеул – Астана бағытын ашуға мүдделі.
Оңтүстік Корея – Алматыға туристер көп келетін негізгі елдердің бірі. 2025 жылы Корея Республикасынан қалаға 23,2 мың адам келген. Бұл 2024 жылмен салыстырғанда 15,3%-ға жоғары.
Кореялық туристер қызығушылығының артуы Алматының іскерлік туризмін дамытуға, корпоративтік топтарды тартуға және халықаралық әріптестікті кеңейтуге жол ашады.