Back
| DalaNews

Орысша жазылмаса, біздің орыстілділер адасып кетеді

Белгілі журналист Дәурен Қуат Фейсбуктегі парақшасына қызықты жазба жариялады. Онда белгілі саясаткер Дос Көшімнің тауып айтқан сөзі келтірілген. Журналистің жазбасын қаз-қалпында ұсынып отырмыз.

 Өткенде Дос Көшім ағамыз бен бір түрік азаматының арасындағы төмендегідей аз-кем сұхбатқа куә болып едім. Соны, тележурналистердің тілімен айтқанда, сіздермен бөлісейін деп отырмын.

Түрік азаматы:

– Қазақ теңгесінің бетіндегі жазу неге екі тілде? «Бес мың теңге» деген соң оның қасына «Пять тысяч» деп жазудың қаншалықты қажеті бар?

Дос Көшім:

– Қажет. Себебі, біздің орыстілділер цифр танымайды.

Түрік азаматы:

– Көше атауларының екі тілде жазылуы не үшін керек?

Дос Көшім:

– Керек. Себебі, орысша жазылмаса, біздің орыстілділер адасып кетеді.