Inýstriialdy damý. Sokolov-Sarybai ken baiytý kásiporny qalai jańardy?
Indýstriialdy damý baǵdarlamasy birinshi kezekte elimizdegi osyǵan deiin jumys istep, myńdaǵan adamdy jumyspen qamtyp otyrǵan óndiris oryndarynyń zaman talabyna sai jumys isteýine serpin berdi.
Sonaý Keńes zamanynda qabyrǵasy qalanǵan iri zaýyt-fabrikalardyń óndiristik múmkindigi zaman aǵymyna jaýap bermeitin edi. Keńes dáýirindegi eski tehnologiiamen ónim óndirip, ónerkásip salasyn órkendetý múmkin emes. Eski óndiristi súrip tastap, onyń ornyna jańasyn salý da tiimsiz. Osyny basshylyqqa alǵan Úkimet óndiris oryndaryna kúrdeli modernizatsiia jumystaryn qolǵa alǵan bolatyn. Osylaisha, Indýstriialdy damý baǵdarlamasy elimizdegi óndiris oryndarynyń ekinshi tynysyn ashty.
Qostanai oblysyndaǵy Sokolov-Sarybai ken óndiristik birlestigin jurttyń bári biledi. Kezinde bul óndiris oshaǵy qazaq jazýshylarynyń basty nysanyna ainalyp, eńbek adamynyń beinesin jasaýda ádebi shyǵarmalardyń ózegine ainalǵan-dy.
Sokolov-Sarybai ken óndirý ónerkásibi óz zamanynda Keńester Odaǵynda irgeli óndiris oshaqtarynyń biri bolǵany belgili. Qazaqstan táýelsizdigin alyp, jeke-dara el bolǵan sátte óndiris oshaǵy ábden eskirip, tehnologiialyq turǵydan artta qalǵany jasyryn emes. Indýstriialdy damý baǵdarlamasy aiasynda kásiporyn adam tanymastai ózgerip, ken baiytý salasyndaǵy ozyq tehnologiialarmen jabdyqtalyp, el damýyna ózindik úlesin qosýda. Osy rette Indýstriialdy damý baǵdarlamasy Sokolov-Sarybai ken baiytý kombinatyn qalai ózgertti degen suraqqa jaýap bere ketsek.
Indýstriialandyrý kartasy aiasynda óndiris oshaǵynyń №17 tehnologiialyq sektsiiasy zaman talabyna sai jańardy. Jańaryp, jańǵarýdyń kásiporyn temir kontsentratyn shyǵarýdy 18 millionǵa deiin arttyrý múmkindigine ie boldy. Óndiris oshaǵy keshendi jańǵyrýdyń arqasynda óndiristik qýatyn arttyryp, óndiriske zamanaýi tehnologiialaryn endirdi. Qazir kásiporyn álem boiynsha temir-ken naryǵynda óz pozitsiiasyn nyǵaityp, dúniejúzindegi jetekshi taý-ken óndirý kásiporyndarynyń qataryna kirip otyr.
Munyń bári zaman talabyna sai jańǵyrtý jumystarynyń jemisi desek bolady. Sońǵy ýaqyttary Sokolov-Sarybai ken baiytý kásipornynda «Aqyldy karer», «Aqyldy baiytý fabrikasy» jobalary iske asyp, jumys barysy meilinshe, avtomattandylǵanyn atap aitýǵa bolady. Aitalyq «Aqyldy karer» jobasy aiasynda karerdegi jaǵdaidy monitoringteý, qajetti túzetýlerdi engizý jáne jabdyqty ońtaily bólýdiń bárin kompiýterler júzege asyrady. Osylaisha, Indýstriialdy damý baǵdarlamasy baiaǵydan kele jatqan kásiporyndardyń tynysyn ashyp otyr. Bul indýstriialandyrý kartasy aiasynda iske asyp otyrǵan kóp jobalardyń biri. Atalmysh baǵdarlama elimizdegi ondaǵan kásiporynnyń tynysyn ashyp, zaman talabyna sai jumys isteýine múmkindik berdi. Sondyqtan Indýstiialdy damý baǵdarlamasy el ekonomikasyn básekelestik jaǵdaida damýyna barynsha yqpal etip otyr den nyq senimmen aitýǵa bolady.
