Qulsaryda bir kún buryn joǵalyp ketken jeti jasar qyzdyń denesi 6 maýsymǵa qaraǵan túni Qursai ózeniniń arnasynan tabyldy. Atalǵan oqiǵaǵa qatysty politsiia departamenti taǵy bir tyń málimet usyndy, dep habarlaidy Dalanews.kz.
Atyraý oblysy politsiia departamentiniń baspasóz qyzmetiniń málimetinshe, 5 maýsymda keshke qyzynyń joǵalyp ketkenin aityp, ata-anasy quqyq qorǵaý organynyń kómegine júgingen.
"2018 jyly týǵan qyz saǵat 12: 00 shamasynda úiinen shyǵyp ketip, qaita keri oralmaǵan. Saǵat 21: 28-de onyń ata-anasy politsiiaǵa kómekke júgindi", - dedi quqyq qorǵaý organdary.
Buǵan deiin qyz balanyń denesi Qursai arnasynan tabylǵany belgili.
"Kisi óltirdi degen kúdikpen 36 jastaǵy Qulsary qalasynyń turǵyny dereý ustaldy. Ol qazir sot sanktsiiasymen tergeý izoliatoryna toǵytylǵan. Qylmystyq is qozǵaldy. Bolǵan oqiǵanyń barlyq mán-jailaryn anyqtaý boiynsha tergeý amaldary qolǵa alyndy", delingen politsiia habarlamasynda.
Onyń barysy oblystyq politsiia departamenti bastyǵynyń erekshe baqylaýynda ekeni de naqtylanady.
