قۇلسارىدا بٸر كٷن بۇرىن جوعالىپ كەتكەن جەتٸ جاسار قىزدىڭ دەنەسٸ 6 ماۋسىمعا قاراعان تٷنٸ قۇرساي ٶزەنٸنٸڭ ارناسىنان تابىلدى. اتالعان وقيعاعا قاتىستى پوليتسييا دەپارتامەنتٸ تاعى بٸر تىڭ مەلٸمەت ۇسىندى, دەپ حابارلايدى Dalanews.kz.
اتىراۋ وبلىسى پوليتسييا دەپارتامەنتٸنٸڭ باسپاسٶز قىزمەتٸنٸڭ مەلٸمەتٸنشە, 5 ماۋسىمدا كەشكە قىزىنىڭ جوعالىپ كەتكەنٸن ايتىپ, اتا-اناسى قۇقىق قورعاۋ ورگانىنىڭ كٶمەگٸنە جٷگٸنگەن.
"2018 جىلى تۋعان قىز ساعات 12: 00 شاماسىندا ٷيٸنەن شىعىپ كەتٸپ, قايتا كەرٸ ورالماعان. ساعات 21: 28-دە ونىڭ اتا-اناسى پوليتسيياعا كٶمەككە جٷگٸندٸ", - دەدٸ قۇقىق قورعاۋ ورگاندارى.
بۇعان دەيٸن قىز بالانىڭ دەنەسٸ قۇرساي ارناسىنان تابىلعانى بەلگٸلٸ.
"كٸسٸ ٶلتٸردٸ دەگەن كٷدٸكپەن 36 جاستاعى قۇلسارى قالاسىنىڭ تۇرعىنى دەرەۋ ۇستالدى. ول قازٸر سوت سانكتسيياسىمەن تەرگەۋ يزولياتورىنا توعىتىلعان. قىلمىستىق ٸس قوزعالدى. بولعان وقيعانىڭ بارلىق مەن-جايلارىن انىقتاۋ بويىنشا تەرگەۋ امالدارى قولعا الىندى", دەلٸنگەن پوليتسييا حابارلاماسىندا.
ونىڭ بارىسى وبلىستىق پوليتسييا دەپارتامەنتٸ باستىعىنىڭ ەرەكشە باقىلاۋىندا ەكەنٸ دە ناقتىلانادى.
