الماتىدا بلوگەر ەدٸلەتحان مولداحانعا قاتىستى سوت پروتسەسٸندە كٷتپەگەن ٶزگەرٸس بولدى. پروكۋرور سوتتان ايىپتاۋ بابىن قايتا سارالاۋدى سۇرادى, دەپ حابارلايدى dalanews.kz.
بٷگٸنگٸ سوت وتىرىسىندا ەدٸلەتحان مولداحان سوڭعى سٶزٸن ايتۋى تيٸس بولعان. الايدا وعان دەيٸن پروكۋرور سٶز الىپ, سوتتالۋشىعا تاعىلعان ايىپتىڭ ٶزگەرتٸلگەنٸن مەلٸمدەدٸ.
بۇعان دەيٸن بلوگەرگە قىلمىستىق كودەكستٸڭ 274-بابى 2-بٶلٸگٸنٸڭ 3-تارماعى بويىنشا, ياعني ونلاين-پلاتفورمالاردى پايدالانىپ كٶرٸنەۋ جالعان اقپارات تاراتتى دەگەن ايىپ تاعىلعان بولاتىن.
ەندٸ مەملەكەتتٸك ايىپتاۋشى ٸستٸ وسى باپتىڭ 3-بٶلٸگٸ بويىنشا قاراۋدى ۇسىندى. اتالعان نورما كٶرٸنەۋ جالعان اقپارات تاراتۋ سالدارىنان ٸرٸ زالال كەلتٸرٸلگەن نەمەسە ٶزگە دە اۋىر زارداپتارعا ەكەپ سوققان جاعدايلارعا قاتىستى قولدانىلادى.
بۇل باپ بويىنشا كٸنەلٸ دەپ تانىلعان ادامعا بەس جىلعا دەيٸن باس بوستاندىعىن شەكتەۋ نەمەسە باس بوستاندىعىنان ايىرۋ جازاسى كٶزدەلگەن.
پروكۋروردىڭ ٶتٸنٸشٸنەن كەيٸن سوت ٸستٸ كەيٸنگە قالدىرۋ تۋرالى شەشٸم قابىلدادى. ەدٸلەتحان مولداحانعا قاتىستى كەلەسٸ سوت وتىرىسى 9 شٸلدەدە ٶتەدٸ.
