كاسپيي تەڭٸزٸندە ەسكەري وقۋ-جاتتىعۋ كەزٸندە 14 ەسكەري قىزمەتشٸنٸڭ ٶمٸرٸن قيعان قايعىلى وقيعاعا بٸر اي تولدى. ارادا ۋاقىت ٶتسە دە, جاقىندارىنان ايىرىلعان وتباسىلاردىڭ قايعىسى سەيٸلگەن جوق. ەلەۋمەتتٸك جەلٸدە مارقۇم ساربازدارعا ارنالعان جٷرەك تەبٸرەنتەرلٸك جازبا جارييالاندى.
2026 جىلعى 24 قىركٷيەكتە ماڭعىستاۋ وبلىسىندا ٶتكەن ەسكەري وقۋ-جاتتىعۋ كەزٸندە 17 ەسكەري قىزمەتشٸنٸ تەڭٸز تولقىنى الىپ كەتكەن ەدٸ. ولاردىڭ 14-ٸ قازا تاۋىپ, ٷشەۋٸ امان قالدى.
وقيعادان بەرٸ بٸر اي ٶتكەندە ەلەۋمەتتٸك جەلٸدە امان قالعان ساربازدىڭ اناسى سامال كەۋەلوۆا قايعىلى جاعدايدى ەسكە الىپ, جاقىندارىنان ايىرىلعان وتباسىلاردىڭ جان جاراسىن جەتكٸزدٸ.
ول بٸر وتباسىنىڭ ۇلى امان-ەسەن ورالسا, ەندٸ بٸر شاڭىراقتىڭ پەرزەنتٸنەن مەڭگٸلٸككە ايىرىلعانىن جازعان.
"بٸرەۋلەردٸڭ بالاسى ٷيٸنە ورالدى… بٸرەۋلەردٸڭ بالاسى مەڭگٸلٸككە ساعىنىشقا اينالدى… بٸر ٷيدە قۋانىش, بٸر ٷيدە ٷنسٸزدٸك… بٸر انا بالاسىن قۇشاقتاپ وتىر, ەندٸ بٸر انا بالاسىنىڭ سۋرەتٸن قۇشاقتاپ وتىر", – دەپ جازدى سامال كەۋەلوۆا.
بۇل سٶزدەر كاسپييدەگٸ قاسٸرەتتەن كەيٸن جاقىندارىن جوقتاپ قالعان وتباسىلاردىڭ اۋىر جاعدايىن تاعى بٸر مەرتە ەسكە سالدى.
