قازاقستاندا مەرزٸمدٸ ەسكەري قىزمەتتٸڭ جاڭا جٷيەسٸن ەنگٸزۋ جوسپارلانىپ وتىر. ەندٸ ساربازدار ەسكەردەگٸ العاشقى التى ايىن ارنايى وقۋ ورتالىقتارىندا ٶتكٸزٸپ, قالعان جارتى جىلدا ەسكەري بٶلٸمدەردە قىزمەت ەتپەك. سونىمەن قاتار جاستارعا جاساندى ينتەللەكتٸنٸ مەڭگەرٸپ, ازاماتتىق ماماندىق يگەرۋگە مٷمكٸندٸك بەرٸلەدٸ.
پرەزيدەنت قاسىم-جومارت توقاەۆتىڭ تٶراعالىعىمەن ٶتكەن قاۋٸپسٸزدٸك كەڭەسٸنٸڭ وتىرىسىندا ماقۇلدانعان ەسكەري رەفورما جوسپارىن جٷزەگە اسىرۋ باستالدى.
قورعانىس مينيسترلٸگٸنٸڭ مەلٸمەتٸنشە, ٶزگەرٸستەر ارمييانىڭ قۇرىلىمىنان باستاپ, ەسكەري قىزمەتشٸلەردٸڭ قاۋٸپسٸزدٸگٸنە, دايارلىق ساپاسىنا جەنە ەلەۋمەتتٸك جاعدايىنا دەيٸنگٸ بٸرقاتار ماڭىزدى باعىتتى قامتيدى.
رەفورمانىڭ باستى ماقساتى – زامان تالابىنا ساي, تەحنولوگييالىق تۇرعىدان دامىعان ەرٸ ەسكەري قىزمەتشٸلەر ٷشٸن قاۋٸپسٸز ارمييا قالىپتاستىرۋ.
ەسكەري قىزمەت ەكٸ كەزەڭگە بٶلٸنەدٸ
جاڭا جٷيەگە سەيكەس, مەرزٸمدٸ ەسكەري قىزمەت بۇرىنعىداي بٸر جىلعا سوزىلعانىمەن, ونى ٶتكەرۋ تەرتٸبٸ ٶزگەرەدٸ.
العاشقى التى ايدا ەسكەرگە شاقىرىلعان ازاماتتار ارنايى وقۋ ورتالىقتارىندا دايارلىقتان ٶتەدٸ. بۇل ۋاقىتتا ساربازدار ەسكەري ورتاعا بەيٸمدەلٸپ, باستاپقى ەسكەري بٸلٸم الادى جەنە دەنە دايىندىعىن جەتٸلدٸرەدٸ.
سونىمەن بٸرگە ولارعا شەت تٸلدەرٸن ٷيرەنۋگە, جاساندى ينتەللەكت تەحنولوگييالارىن پايدالانۋعا جەنە ەڭبەك نارىعىندا سۇرانىسقا يە ازاماتتىق كەسٸپتەردٸ مەڭگەرۋگە مٷمكٸندٸك جاسالماق.
ال كەلەسٸ التى ايدا ساربازدار ەسكەري بٶلٸمدەرگە جٸبەرٸلەدٸ. وندا ولار جاۋىنگەرلٸك دايارلىعىن جەتٸلدٸرٸپ, ەسكەري تاپسىرمالاردى ورىنداۋعا ماشىقتانادى.
جاڭا تەسٸلدٸڭ كەيبٸر ەلەمەنتتەرٸ بۇعان دەيٸن "Sarbaz+" جوباسى اياسىندا سىناقتان ٶتكٸزٸلگەن.
قورعانىس مينيسترلٸگٸ ەكٸ كەزەڭدٸ مەرزٸمدٸ ەسكەري قىزمەت مودەلٸن 2027 جىلى پيلوتتىق جوبا رەتٸندە ٸسكە قوسۋدى جوسپارلاپ وتىر.
ەسكەردە جاساندى ينتەللەكت پەن جاڭا تەحنولوگييالار قولدانىلادى
ەسكەري رەفورما اياسىندا ارمييانى تەحنولوگييالىق تۇرعىدان جاڭعىرتۋعا باسىمدىق بەرٸلەدٸ.
اتاپ ايتقاندا, ۇشقىشسىز ۇشۋ اپپاراتتارىنا قارسى قورعانىس جٷيەلەرٸن دامىتۋ, جاساندى ينتەللەكت پەن تسيفرلىق تەحنولوگييالاردى ەنگٸزۋ كٶزدەلگەن.
سونداي-اق ەسكەري دايىندىق كەزٸندە ۇرىس قيمىلدارىن كومپيۋتەر ارقىلى مودەلدەيتٸن ارنايى سيمۋلياتسييالىق باعدارلامالار قولدانىلماق.
بۇل ساربازدارعا تٷرلٸ جاۋىنگەرلٸك جاعدايلاردى قاۋٸپسٸز جاعدايدا پىسىقتاۋعا, جاڭا تاكتيكالاردى مەڭگەرۋگە جەنە وقۋ-جاتتىعۋ شىعىندارىن ازايتۋعا مٷمكٸندٸك بەرەدٸ.
ساربازداردىڭ قۇقىعىن قورعايتىن تەۋەلسٸز كەڭەسشٸلەر پايدا بولادى
رەفورمادا ەسكەري قىزمەتشٸلەردٸڭ قاۋٸپسٸزدٸگٸ مەن قۇقىقتارىن قورعاۋ مەسەلەسٸنە ەرەكشە كٶڭٸل بٶلٸنگەن.
وسى ماقساتتا ەسكەري بٶلٸمدەردٸڭ قولباسشىلىعىنا تەۋەلسٸز كەڭەسشٸلەر ينستيتۋتىن قۇرۋ جوسپارلانىپ وتىر.
ولار ساربازداردىڭ قۇقىقتارىنىڭ ساقتالۋىن باقىلاۋعا, زاڭبۇزۋشىلىقتاردى انىقتاۋعا جەنە ەسكەري قىزمەتشٸلەرگە قاجەتتٸ قولداۋ كٶرسەتۋگە كٶمەكتەسەدٸ. سونىمەن قاتار ەسكەردەگٸ تەرتٸپ پەن كومانديرلەردٸڭ جاۋاپكەرشٸلٸگٸن كٷشەيتۋ كٶزدەلگەن.
قورعانىس مينيسترلٸگٸ ساربازداردى ساپالى تاماقپەن, ەسكەري كيٸم-كەشەكپەن قامتاماسىز ەتۋ مەسەلەسٸ دە باستى نازاردا بولاتىنىن مەلٸمدەدٸ. بۇدان بٶلەك, كازارمالاردى, وقۋ عيماراتتارىن جەنە ەسكەري پوليگونداردى جٶندەۋ مەن جاڭارتۋ جوسپارلانعان.
مەكتەپ وقۋشىلارىن ەسكەري دايارلاۋ جٷيەسٸ دە ٶزگەرەدٸ
جاڭا ٶزگەرٸستەر تەك ەسكەر قاتارىنداعى ازاماتتارعا عانا قاتىستى ەمەس.
2027 جىلدان باستاپ ەلٸمٸزدە "جاس ايبىن" اتتى بٸرىڭعاي ەسكەري-پاتريوتتىق دايارلىق جٷيەسٸن قۇرۋ كٶزدەلٸپ وتىر.
ول "جاس قىران", "جاس ۇلان" جەنە "جاس سارباز" كەزەڭدەرٸن بٸرٸكتٸرەدٸ.
جاڭا جٷيە اياسىندا وقۋشىلارعا قاۋٸپسٸز مٸنەز-قۇلىق ەرەجەلەرٸ, العاشقى مەديتسينالىق كٶمەك كٶرسەتۋ جەنە تٶتەنشە جاعدايلار كەزٸندە دۇرىس ەرەكەت ەتۋ داعدىلارى ٷيرەتٸلمەك.
سونداي-اق مەكتەپتەردەگٸ العاشقى ەسكەري دايىندىق ساپاسىن ارتتىرۋ جەنە مامانداندىرىلعان ەسكەري مەكتەپتەر جەلٸسٸن دامىتۋ جۇمىستارى جالعاسادى.
جاڭا ەسكەري تەرتٸپ قاشان كٷشٸنە ەنەدٸ?
قورعانىس مينيسترلٸگٸنٸڭ جوسپارىنا سەيكەس, رەفورمانى جٷزەگە اسىرۋ بٸرنەشە كەزەڭگە بٶلٸنگەن.
2026 جىلدىڭ سوڭىنا دەيٸن نەگٸزگٸ ۇيىمداستىرۋ جۇمىستارى جٷرگٸزٸلەدٸ.
ال 2027 جىلى ەكٸ كەزەڭدٸ مەرزٸمدٸ ەسكەري قىزمەتتٸڭ پيلوتتىق جوباسىن ٸسكە قوسۋ كٶزدەلٸپ وتىر. رەفورمانىڭ ٶزگە باعىتتارى كەزەڭ-كەزەڭٸمەن جٷزەگە اسىرىلادى.
دەمەك, جاڭا مودەل ەزٸرگە بٷكٸل قازاقستان ارميياسىنا بٸردەن ەنگٸزٸلٸپ جاتقان جوق. ونىڭ تيٸمدٸلٸگٸ الدىمەن پيلوتتىق جوبا اياسىندا تەكسەرٸلەدٸ.
قورعانىس مينيسترلٸگٸ الداعى ۋاقىتتا ەسكەري رەفورمانىڭ ورىندالۋ بارىسى جٶنٸندە قوعامعا تۇراقتى تٷردە اقپارات بەرٸپ وتىراتىنىن جەتكٸزدٸ.
