ستەپنوگورسك قالاسىنداعى قىلمىستىق-اتقارۋ جٷيەسٸ مەكەمەلەرٸنٸڭ قاۋٸپسٸزدٸگٸن كٷشەيتۋگە قوسىمشا قاراجات بٶلٸندٸ. سونىڭ اياسىندا قۋاندىق بيشٸمباەۆ جازاسىن ٶتەپ جاتقان №5 مەكەمەدە جاڭا باقىلاۋ جٷيەسٸ ٸسكە قوسىلدى, دەپ حابارلايدى dalanews.kz.
اقمولا وبلىسى پروكۋراتۋراسىنىڭ مەلٸمەتٸنشە, جەرگٸلٸكتٸ بيۋدجەت قاراجاتى ەسەبٸنەن مەكەمەلەردٸڭ ماتەريالدىق-تەحنيكالىق بازاسىن جاڭارتۋ جۇمىستارى جٷرگٸزٸلگەن.
№5 مەكەمەدە زاماناۋي بەينەدوموفون جٷيەسٸ ورناتىلدى. ول سوتتالعانداردىڭ مەكەمە اۋماعىندا جٷرٸپ-تۇرۋىن باقىلاۋدى كٷشەيتۋگە ارنالعان.
جاڭا تەرتٸپ بويىنشا سوتتالعان ادام بەلگٸلٸ بٸر اۋماقتان شىعۋ ٷشٸن ارنايى شاقىرۋ باتىرماسىن باسادى. وسىدان كەيٸن كەزەكشٸ بٶلٸم قىزمەتكەرٸ بەينەبايلانىس ارقىلى ونىڭ جەكە باسىن انىقتاپ, قايدا جەنە نە ٷشٸن بارا جاتقانىن ناقتىلايدى.
رۇقسات بەرٸلگەننەن كەيٸن عانا ەسٸك اشىلادى. سوتتالعان ادام ٶتٸپ بولعان سوڭ ەسٸك اۆتوماتتى تٷردە جابىلادى.
پروكۋراتۋرانىڭ حابارلاۋىنشا, مۇنداي جٷيە سوتتالعانداردىڭ باقىلاۋسىز جٷرٸپ-تۇرۋىنا جول بەرمەۋگە, ٶتكٸزۋ رەجيمٸن كٷشەيتۋگە جەنە مەكەمە قىزمەتكەرلەرٸ مەن نىساننىڭ قاۋٸپسٸزدٸگٸن ارتتىرۋعا مٷمكٸندٸك بەرەدٸ.
ستەپنوگورسك پروكۋراتۋراسى قىلمىستىق-اتقارۋ جٷيەسٸ مەكەمەلەرٸندەگٸ رەجيم مەن قاۋٸپسٸزدٸك مەسەلەلەرٸ باقىلاۋدا ەكەنٸن مەلٸمدەدٸ.
