Stepnogorsk qalasyndaǵy qylmystyq-atqarý júiesi mekemeleriniń qaýipsizdigin kúsheitýge qosymsha qarajat bólindi. Sonyń aiasynda Qýandyq Bishimbaev jazasyn ótep jatqan №5 mekemede jańa baqylaý júiesi iske qosyldy, dep habarlaidy dalanews.kz.
Aqmola oblysy prokýratýrasynyń málimetinshe, jergilikti biýdjet qarajaty esebinen mekemelerdiń materialdyq-tehnikalyq bazasyn jańartý jumystary júrgizilgen.
№5 mekemede zamanaýi beinedomofon júiesi ornatyldy. Ol sottalǵandardyń mekeme aýmaǵynda júrip-turýyn baqylaýdy kúsheitýge arnalǵan.
Jańa tártip boiynsha sottalǵan adam belgili bir aýmaqtan shyǵý úshin arnaiy shaqyrý batyrmasyn basady. Osydan keiin kezekshi bólim qyzmetkeri beinebailanys arqyly onyń jeke basyn anyqtap, qaida jáne ne úshin bara jatqanyn naqtylaidy.
Ruqsat berilgennen keiin ǵana esik ashylady. Sottalǵan adam ótip bolǵan soń esik avtomatty túrde jabylady.
Prokýratýranyń habarlaýynsha, mundai júie sottalǵandardyń baqylaýsyz júrip-turýyna jol bermeýge, ótkizý rejimin kúsheitýge jáne mekeme qyzmetkerleri men nysannyń qaýipsizdigin arttyrýǵa múmkindik beredi.
Stepnogorsk prokýratýrasy qylmystyq-atqarý júiesi mekemelerindegi rejim men qaýipsizdik máseleleri baqylaýda ekenin málimdedi.
