Qazaqstannyń Ulttyq qaýipsizdik komitetiniń bastamasymen Ýiliam Koýl esimdi sheteldik azamatqa izdeý jariialandy. Izdeý týraly málimet quqyqtyq statistika jáne arnaiy esepke alý organdarynyń portalyndaǵy kestede kórsetilgen, dep habarlaidy dalanews.kz.
Izdeý kestesine sáikes, Ýiliams Koýl 1981 jylǵy 13 naýryzda týǵan. Ol er adam, shetel azamaty retinde tirkelgen. Ulty «basqa» dep kórsetilgen.
Izdeý isi 2026 jylǵy 21 qarashada Túrkistan oblysynda tirkelgen. Izdeýdi bastaǵan organ – Qazaqstannyń Ulttyq qaýipsizdik komiteti. Al izdestirý jumystaryn júrgizetin organ retinde Túrkistan oblysy Saryaǵash aýdanynyń politsiia bólimi kórsetilgen.
Aita keteiik, izdeý kartochkasynda Koýldyń qai eldiń azamaty ekeni jazylmaǵan. Sondai-aq ony izdeýge qandai sebep bolǵany týraly aqparat jariialanbaǵan.