Slovakiiada adam urlaýǵa kúdikti tórt Qazaqstan azamaty ustaldy. Qazaqstannyń Syrtqy ister ministrligi olarǵa konsýldyq-quqyqtyq kómek kórsetilip jatqanyn habarlady, dep habarlaidy dalanews.kz.
Vedomstvonyń málimetinshe, ustalǵan azamattardyń týystarymen bailanys ornatylǵan. Jaǵdai ministrliktiń baqylaýynda.
Slovakiialyq TN Live telearnasynyń habarlaýynsha, oqiǵa Trenchin qalasynda bolǵan. Bes jas jigit egde jastaǵy áieldiń úiine kelip, ózderin politsiia qyzmetkerleri retinde tanystyrǵan. Olar áieldiń nemeresin izdegen.
Jergilikti BAQ málimetinshe, er adam úiden tabylyp, soqqyǵa jyǵylǵan. Shabýyl jasaǵandardyń maqsaty aqsha bopsalaý bolýy múmkin degen boljam bar.
Keiin kelgen adamdardyń quqyq qorǵaý organdarynyń qyzmetkerleri emes ekeni anyqtalǵan. TN Live aqparaty boiynsha, politsiia 18 ben 21 jas aralyǵyndaǵy tórt kúdiktini ustaǵan. Olardyń barlyǵy Qazaqstan azamattary ári jergilikti ýniversitettiń stýdentteri ekeni habarlandy.
Oqiǵaǵa qatysy bolýy múmkin besinshi adam ázirge tabylǵan joq. Tergeý jalǵasyp jatyr.