Memleketke 180 mln teńgeniń jeri qaitaryldy

Memleketke 180 mln teńgeniń jeri qaitaryldy
pixabay.com

Shyǵys Qazaqstan oblysynyń Samar aýdanynda investitsiialyq joba úshin bólingen, biraq uzaq ýaqyt paidalanylmaǵan bes jer ýchaskesi memleket menshigine qaitaryldy. Jerdiń jalpy aýmaǵy 2 930 gektar, quny 180 mln teńge, dep habarlaidy dalanews.kz.

Aýdan prokýratýrasy júrgizgen taldaý nátijesinde atalǵan jer ýchaskeleriniń uzaq ýaqyt boiy nysanaly maqsatyna sai paidalanylmaǵany anyqtalǵan.

Prokýratýra málimetinshe, biyl tamyzda jer ýchaskeleri berilgen jaýapkershiligi shekteýli seriktestiktiń menshik iesi biznes-bastamany odan ári júzege asyrýdan bas tartqan. Bul sheshimdi kásiporyn óz erkimen qabyldaǵan jáne ákimshilik kedergilerge bailanysty bolmaǵan.

Alaida investitsiialyq joba úshin bólingen jerler memleketke qaitarylmaǵan. Prokýrorlyq qadaǵalaý sharalary nátijesinde jalpy quny 180 mln teńge bolatyn bes ýchaskeni memleket menshigine qaitarý qamtamasyz etildi.

Prokýratýra jer qatynastary salasyndaǵy zańdylyqty qamtamasyz etý jáne paidalanylmai jatqan jerlerdi anyqtaý jumystaryn jalǵastyratynyn habarlady.