Jetisý oblysynyń kindik qalasy - Taldyqorǵan qalasynda oblys ortalyǵynyń sáýlettik-kórkemdik kelbetin jaqsartý jobasy jalǵasýda. Oblys qurylǵannan beri qalada 130 aýla kúrdeli jóndeýden ótkizilip, 113 kópqabatty turǵyn úidiń shatyry, 44 kópqabatty úidiń qasbeti jóndeldi. Qaladaǵy jumystardyń barysymen jáne qalalyq ortany odan ári jańartý josparlarymen oblys ákimi Beibit Isabaev qalany aralaý barysynda tanysty, dep habarlaidy dalanews.kz.
Atap aitqanda, biyl Jansúgirov kóshesiniń boiyndaǵy 24 kópqabatty turǵyn úidiń qasbeti jáne 7 úidiń shatyry jóndeldi. Kelesi kezeńde Nazarbaev dańǵylynyń boiynda ornalasqan kóppáterli turǵyn úilerdiń qasbetteri sáýlettik-kórkemdik turǵyda bezendirilip, shatyrlary jóndeledi.

- Taldyqorǵannyń úsh uzyn kósheleri - Qabanbai batyr, Jansúgirov kósheleri men Nazarbaev dańǵyly. Biyl Jansúgirov kóshesin abattandyrdyq. Jumysqa keshendi túrde kiristik: aldymen magistraldy jylý jelisin rekonstrýktsiialadyq, sodan keiin asfalt tóseldi. Sonymen qatar kóshe boiyndaǵy kópqabatty turǵyn úilerdiń qasbetteri men shatyrlary jóndeldi. Endi kelesi jyly Nazarbaev dańǵylyn abattandyrýdy josparlap otyrmyz. Qasbetterdi jańartýdyń biryńǵai tásili aiqyndaldy: bes qabatqa deiingi úiler qaptalady, al bes qabattan joǵary ǵimarattar sapaly, sýǵa tózimdi materialdarmen boialady. Jalpy, 36 úidiń qasbeti, sondai-aq qajettiligine qarai 13 úidiń shatyry jóndeledi, - dedi B. Isabaev.
Kópqabatty turǵyn úilerdiń qasbetteri men shatyrlaryn jańartýmen qatar jol jabynyn jóndeý de kózdelgen. Atap aitqanda, kelesi jyly Nazarbaev dańǵylynyń ortalyq alańnan ainalma jolǵa deiingi bóligi, sondai-aq Jansúgirov kóshesiniń Gagarin kóshesinen ainalma jolǵa deiingi aralyǵy jáne kópirge deiingi qalǵan bóligi jóndeledi. Al Qabanbai batyr kóshesi byltyr jóndelgen.
- Osylaisha, júieli qarastyrý arqyly qalanyń úsh negizgi kóshesin kezeń-kezeńimen biryńǵai sáýlettik kelbetke keltiremiz. Bul jol infraqurylymy men turǵyn úi qoryn jaqsartyp qana qoimai, Taldyqorǵannyń ortalyq bóliginiń syrtqy kelbetin keshendi túrde jańartýǵa múmkindik beredi, - dedi B. Isabaev.

Jumys saparynyń sońynda óńir basshysy qala ákimine qalanyń sáýlettik kelbetin keshendi túrde jańartý jumystaryn jalǵastyrýdy tapsyrdy. Josparlanǵan sharalardy júzege asyrý ortalyq kóshelerge biryńǵai zamanaýi kelbet berip, qalalyq ortanyń sapasyn jaqsartýǵa jáne turǵyndar úshin qolaily jaǵdai jasaýǵa oń yqpalyn tigizbek.