Shymkentte jol apatynan keiin janarmai tasityn kólik túgi qalmai órtenip ketti, dep habarlaidy dalanews.kz.
18 qarashada saǵat 15:58-de 112 shuǵyl pýltine Turan aýdanyndaǵy Tashkent tasjolynda janarmai tasymaldaityn kólik janyp jatqany týraly habarlama túsken.
Oqiǵa ornyna shaqyrtýdyń joǵary dárejesi boiynsha Tótenshe jaǵdailar departamentiniń kúshteri men quraldary jiberilgen.
Órt sóndirý bólimsheleri oqiǵa ornyna jetken kezde jol apaty saldarynan aýdarylǵan kólik tolyǵymen otqa oranǵan. Sonymen qatar, jolǵa tógilgen janarmai tutanǵan. TJD qyzmetkerleri órtti 60 sharshy metr aýmaqta sóndirdi. Órt tolyqtai sóndirildi.
Kólik kabinasynan er adamnyń súiegi tabyldy.