Qytai tóraǵasy Si Tszinpin, Resei prezidenti Vladimir Pýtin jáne AQSh prezidenti Donald Tramptyń úshjaqty kezdesýi aiaqtaldy. Kelissóz 1 saǵat 20 minýtqa sozyldy, dep habarlaidy dalanews.kz.
AQSh prezidenti sammitti tarihi kezdesý dep atap, úsh eldiń iadrolyq arsenaldardy qysqartý jáne Resei men Ýkraina arasyndaǵy soǵysty toqtatý máselelerin talqylaýǵa múmkindigi bar ekenin aitty. Resei prezidenti óńirlik daǵdarystardy sheshýde úsh eldiń múddeleri toǵysatynyn atap ótti. Onyń sózinshe, BUU-nyń qurylýyna bastamashy bolǵan úsh memleket halyqaralyq quqyqty nyǵaitýǵa jaýapty.
Al Qytai tóraǵasy elder bir-biriniń ishki isine aralaspaý qaǵidatyn ustanýy kerek ekenin málimdedi. Sondai-aq ol úsh memleket ekonomikalyq bailanystar men jetkizý tizbekterin úzbei, yntymaqtastyqty keńeitýi qajet ekenin aitty.
Tramp Pýtin men Si Tszinpindi «dosym» dep atady
Buǵan deiin Donald Tramp aldymen Vladimir Pýtinmen, keiin Si Tszinpinmen jeke kezdesý ótkizgen edi. AQSh prezidenti eki kóshbasshyny da ashyq túrde «dosym» dep atady. Sonymen qatar Qytaimen saýda máselesinde tarifterdi ádil bólisip, saýda teńgerimin retteýge qol jetkizgenin málimdedi.
Qytaidyń memlekettik BAQ-tarynyń habarlaýynsha, Tramp Taivannyń táýelsizdigin qoldamaitynyn da aitqan.